AJA

LEGARDA HLHI REN ANTOLAKUNTZA

ETA  JARDUERA-ARAUDIA

SARRERA

Antolakuntza- eta jarduera-araudia (AJA) Euskal Autonomia Erkidegoko unibertsitatez kanpoko ikastetxe publikoetako berezko dokumentua da. Agiri hori derrigorrezkoa da Euskal Eskola Publikoaren Legeko 29. artikuluak hala ezarri duelako.

Artikulu horretan, halaber, AJAren eduki minimoak zein izan behar duen zehaztu da. Hona hemen:

o     Ikastetxearen antolamendurako eta funtzionamendurako egituraren definizioa.

o     Zenbait arau, hezkuntza-komunitateko kide guztien arteko begirunea eta bizikidetza bermatzeko, eta aretoak nahiz instalazioak egoki erabiliko direla ziurtatzeko. Arau horiek demokratikoak izan behar dute; hau da, eskola-komunitateko kide guztiek hartu behar dute eskubideak errespetatzeko eta betebeharrak betetzeko konpromisoa.

o     Ebaluazioetan erreklamazioak egiteko araubidea.

Agiriaren ezaugarriak hauek dira:

o     Eskolako arau bereziei dagokiona izan ezean, dekretuaren derrigorrezko edukia besterik ez du jaso.  Hiru tituluetan, 1. puntuan zehaztu diren hiru alderdiak jaso dira, Legean aipaturiko ordena berean, hain zuzen. Argi dago mugaketa horren arrazoia zein den: AJA arau tinko samarra da ikastetxeetan. AJAn aldaketak egiteko, eskuarki, batzordeak eratu behar dira, eta OOGak onetsi beharko ditu egin diren zuzenketak.  Egoera berrietara egokitzeko edo araudiko aldaketak jasotzeko, AJAn zenbait aldaketa egin beharko dira ziur asko. Derrigorrezkoak ez diren elementuak sartzen baditugu, beraz, beharrezkoak diren aldaketak ezin izango ditugu arin egin.  Bestetik, Eskubideen eta Betebeharren Dekretuan ezarri da ikasleek eskolako arauak betetzeko betebeharra dutela. Eta eskolako arauen artean ikastetxeko aginte-organoek beren eskumenen esparruan onetsi dituzten guztiak daudenez, AJAk ezinbesteko markoa soilik ezartzea litzateke egokiena.

o     I. tituluan, aginte-organoen, koordinazio didaktikorako organoen eta partaidetza-organoen eskumenak eta funtzioak zein diren zehaztu da. Halaber, organo horien eskumenak eta funtzioak legezko zer xedapenetan ezarri diren zehaztu da, testuan hitzez hitz jaso gabe, arrazoia argia da: funtzioetako asko Hezkuntza Sailaren araudian zehazten direnez, agirietan hitzez hitz jarriz gero, aldaketak egin beharko lirateke ia ikasturtero. 

o         Ildo horretatik, gauza bera gertatzen da II. tituluan, bizikidetza arautzeko xedapenez ari denean, 201/2008 Dekretura jotzeko esaten zaigunean. Ikastetxeak beti du dekretuan ezarritako irizpideak betetzen dituzten jokabideak zuzengarriak direla erabakitzeko ahalmena, eta hori kontuan hartuta, nahikoa litzateke Eranskinetan bildutako legeetara jotzea.

o     Garraioan eta jantokian ematen diren portaerei buruzko arau zehatzik ere ez dago.  201/2008 Dekretuak eskola-barneko eta -kanpoko jarduerak arautzen dituenez –bai jantokian, bai garraioa egiten den bitartean, bai eskolatik kanpo ere–, baldin eta ikastetxearekin lotura badute, bizikidetza-arau orokorrak aplikatzekoak dira ikasleentzat.

o     Era berean, azpimarratu beharra dago antolamendu- eta jarduera-araudiak ez dituela arautzen irakasleen, ikastetxeko gainerako langileen eta gurasoen eskubideak eta betebeharrak.  Irakasleen eta irakasle ez diren ikastetxeko langileen kasuan, argi dago zergatik ez diren arautu: beren eskubideak eta betebeharrak funtzionarioen estatutuko funtsezko alderdi bat dira, eta Legean arauturik daude.  Nolanahi ere, baliagarria izan daiteke aipatu berri duguna eranskin gehigarrietan jasotzea; izan ere, beren betebeharrak ez betetzea falta arina da, gutxienez, eta ikasleek irakasle eta irakasle ez diren langileen eskubideak urratuz gero, zuzendu egin behar zaie. 

o     Tituluei dagokienez, I. tituluan aginte-organoak, koordinazio didaktikorako organoak eta partaidetza-organoak zehazten dira. Oin-oharretan azaltzen dira, batetik, Euskal Eskola Publikoaren Legearen arabera zer organo diren derrigorrezkoak; bestetik, aukerako zer organok duten Hezkuntza Administrazioaren onarpena, zenbait arautan adierazia, baldin eta baldintza ekonomikoak, administratiboak edo ordutegizkoak betetzen badituzte; eta azkenik, beste edozein organo ezartzeko aukera ere adierazten da. Azken horiek erabateko eraginkortasuna izango dute ikastetxe barruan, baina ez dute aurrekoen onarpena.

o     II. Tituluari dagokionez, jada aipatu da uko egiten zaiola AJAren baitan bizikidetza-arau zehatz-zehatzak adierazteari. Eskubideak errespetatzea eta betebeharrak betetzea zehazten dira bizikidetzaren oinarritzat, Euskal Eskola Publikoaren Legearen nahiz Eskubideen eta Betebeharren Dekretuaren espirituari eta filosofiari jarraiki. Titulu horretan, halaber, ikasleen oinarrizko eskubideen bermeak jaso dira, 201/2008 Dekretuan ezarritakoa betez, baina modu orokorrean; izan ere, ikastetxeen aniztasuna dela-eta, arau zehatzagoak ezarriz gero, ezingo lirateke egokitu egoera berezi askotara. Dena den ikastetxeko berezko arau batzuk, egonkor ematen dutenak, ere sartu dira. Ikastetxeko aginte-organoek eskumena dute goian aipaturiko zehaztasunak adierazteko, OOGk edo zuzendaritza taldeak hartutako erabakien bidez.

o     III. Tituluan, azkenik, erreklamazioak egiteko proposaturiko 201/2008 Dekretuan helburuen publizitateari eta ebaluazio-irizpideei buruz zehaztutakoak bermatzen du erreklamatzeko ezinbesteko baldintza, bai eta ikasturte osoan zuzendu diren azterketak ikusteari buruzkoa ere. Halaber, idatzizko prozedura ezarri beharko litzateke, gutxienez azken kalifikazioak eman ondoren 24 orduz erabiltzekoa, bai eta, adostasunik lortu ezean, irakasgai horretako arloak azterketa berrikustea ere ikastetxean.

ATARIKO TITULUA. XEDAPEN OROKORRAK

1. artikulua. LEGARDA HLHIren izendapena, irakaskuntzak eta ezaugarriak

1.      LEGARDA HLHI ikastetxe publikoa da. Bertan, honako hauek ematen dira: Haur Hezkuntza, Lehen Hezkuntza. Ikastetxe horrek, hartara, Eusko Jaurlaritzako Hezkuntza, Unibertsitate eta Ikerketa Sailak ezarritako planeamenduari jarraiki ematen ditu, ikasturtez ikasturte, bere ikasketak.

2.      Euskal Eskola Publikoaren Legeko 3.1. artikuluan xedatutakoaren arabera, LEGARDA HLHIak ezaugarri hauek ditu: plurala da, elebiduna da, demokratikoa da, euskal gizartearen beharrak ase ditu, inguru sozial eta kulturalean sustraiturik dago, parte hartzailea da, desberdintasunak orekatzen ditu eta aniztasuna zaintzen du.

3.      LEGARDA HLHIak bere egin ditu Euskal Eskola Publikoaren Legeko 3.2. artikuluan ezarri diren xedeak.  Ikastetxe horretako gobernu-organo, partaidetza-organo eta koordinazio didaktikorako organo guztiek, irakasleek eta irakasleak ez diren ikastetxeko langile guztiek goian aipaturiko helburuak betetzera bideratuko dute beren jarduna.

4.      LEGARDA HLHIak ikastetxeko bizikidetzaren oinarri gisa, bere eskubideak arduraz bete eta gainerakoen eskubideak errespetatuko dituela agintzen du.

I. TITULUA. LEGARDA HLHIko ANTOLAMENDUA

I. KAPITULUA. XEDAPEN OROKORRAK

2. artikulua. Aginte-organoak

1.      LEGARDA HLHIak Euskal Eskola Publikoaren Legean aurreikusi diren taldeko aginte-organoak nahiz lagun bakarreko aginte-organoak izango ditu. Organo, horiek Euskal Eskola Publikoaren Legeann ezarritako eskumenak eta eskuduntzak izango dituzte.

a)      Taldekoak: OOG, irakasleen klaustroa eta zuzendaritza taldea.

b)      Lagun bakarrekoak: zuzendaria, ikasketaburua eta idazkaria.

2.      Ikasturte bakoitzean ikastetxean dagoen ikasle kopuruaren arabera eta ikasturteko Antolakuntza Ebazpenean xedatutakoarekin bat etorriz, LEGARDA HLHIan, arestian aipatutakoez gain, lagun bakarreko beste aginte-organo batzuk egon daitezke Antolakuntza Ebazpenean zehazten diren eskumenak eta funtzioak izango dituztelarik, baita aurreko paragrafoan aipatu ditugun organoek eskuordetzen dizkietenak ere. 

3. artikulua. Hezkuntza-komunitatearen partaidetza [1]

1.      OOGren bidez, ikasleen gurasoek, irakasleek, zerbitzuetako langileek eta Udalak LEGARDA HLHIaren kudeaketan parte har dezakete.

2.      Badira LEGARDA HLHIaren jardunean parte hartuko duten beste organo espezifiko batzuk. Euskal Eskola Publikoaren Legean zehaztutakoari jarraiki, guraso asanbladak eta Elkarbizitzaren Behatokia dugun ikastetxearen kudeaketan parte hartuko dute.

3.  LEGARDA HLHI ikastetxeko guraso-elkarteen egoitza izango da. Ikastetxeak, hartara, lokalak utziko dizkie elkarte horiei haien jarduera gauzatu dezaten. Horrez gain, elkarteek ikastetxearen bizitzan parte hartzea sustatuko du ikastetxeak. Horretarako, hezkuntza-jarduerak, jarduera kulturalak eta kirol-jarduerak bultzatuko ditu.[2]

4. artikulua. Koordinazio didaktikorako organoak

Tutoretzak eta taldeko, mailako, zikloko nahiz etapako irakasle taldeak LEGARDA HLHIko koordinazio didaktikorako organoak izango dira. Aipatu berri ditugun organo horiek, klaustroaren eta Koordinazio Pedagogikorako Batzordearen zuzendaritzapean egongo dira. 

5. artikulua. Aginte-organoen, partaidetza-organoen eta koordinazio didaktikorako organoen jardunaren oinarriak

1.      Ikastetxeko aginte-organoek, partaidetza-organoek eta koordinazio didaktikorako organoek zainduko dituzte ikastetxeko jarduerak Euskal Eskola Publikoaren Legean jaso diren printzipio eta balioei jarraiki gauzatzen direla, halaber, EEPLn nahiz indarrean dauden xedapenetan ezarri diren hezkuntzako xedeak egoki betetzen direla zainduko dute, baita hezkuntzaren kalitatea ere.

2.      Horrez gain, aginte-organoek, partaidetza-organoek eta koordinazio didaktikorako organoek bermatuko dute, bakoitza bere eskumen-esparruan, ikasleen, irakasleen, gurasoen eta zerbitzuetako langileen eskubideak betetzen direla. Era berean, organo horiek guztiek aipatu berri ditugun eragileek beren betebeharrak betetzen dituzten ikuskatuko dute.

3.      Era berean, beren gain hartuko dute hezkuntza-komunitateko kide guztiek ikastetxeko bizitzan, ikastetxearen kudeaketan eta ikastetxearen ebaluaketan eraginkortasunez parte hartuko dutela bermatzeko ardura.

II. KAPITULUA. TALDEKO AGINTE-ORGANOAK

I. ATALA. LEGARDA HLHIko OOG

6. artikulua. LEGARDA HLHIko OOGren ezaugarriak eta osaera

1.      LEGARDA HLHIko OOGren bidez, hezkuntza-komunitateko kide guztiek hartuko dute parte ikastetxearen kudeaketan.  Organo horrek OOG izena hartuko du.

2.      OOGren eskumenak.

LEGARDA HLHIko OOGk EEPLko 31. artikuluan aitor zaizkion eskuduntzak ditu:

a)       Ikastetxearen hezkuntza-proiektua, antolakuntza eta iharduera araudia eta kudeaketa proiektua onartzea, bete daitezen begiratzea eta 28.3 atalak agintzen duenaren arabera ebaluazioa egitea.

b)      Ikastetxearen urteko plana onartzea, 35.2.a) atalean erabakitakoarena kaltetu gabe.

c)       Prestakuntza-ihardueren, eskolaz eta urteko kudeaketa-egitaraua onartzea, horien jarraipena eta aldizkako ebaluazioa bere gain hartuz.

d)      Ikastetxearen urteko txostena onartzea.

e)       Ikastetxeko zuzendaria hautatzeko prozesuan parte hartzea. Kideen bi hereneko gehiengoz onartuta, zuzendariaren izendapena ezeztatzeko proposatzea, karguari dagozkion funtzioak betetzen ez badira.

f)       Ikasleen onarpenari buruz erabakitzea, indarrean dagoen arautegia erabiliz.

g)      Ikastetxeetan bizikidetza arloko neurri zuzentzaileak ezagutzea eta berrikustea, ikasleen eskubideak eta betebeharrak arautzen dituzten arauen arabera.

h)      Kultura eta hezkuntza-helburuekin lankidetza-harremanak eduki beste ikastetxeekin.

i)        Eskolako instalazio eta ekipamendua berritzea, eta horien iraupena zaintzea.

j)        Eskolako iharduera gainbegiratzea administrazio eta hezkuntza-arloetan.

k)      Lege honek edo beste arau batzuek, edo ikastetxearen antolakuntza -eta iharduera- araudiak ematen dioten beste edozein aginpide.

3.      LEGARDA HLHIko OOG ondoko hauek osatuko dute: (EEPL 32.2)

a)      Zuzendaria, OOGko buru izango dena.

b)      Ikasketaburua.

c)      Klaustroak aukeratuko dituen 12 irakasle.

d)      Hezkuntza-arreta osagarriko pertsonalaren ordezkari bat.

e)      Ikasleen gurasoen 18 ordezkari.

f)       Administrazio eta Zerbitzuetako langileen ordezkari bat. [3]

g)      Udaleko ordezkari bat.

h)      Ikastetxeko idazkaria. OOGko idazkari izango da. Hitza izango du, baina botorik ez.

7. artikulua. OOG hautestea eta berritzea

1.Bi urtetan behin, OOGko kideen erdiak berrituko dira. Berritze hori txandaka gauzatuko da, halaxe ezarri baita OOGak arautzen dituen Dekretuan eta Hezkuntza, Unibertsitate eta Ikerketa Sailak argitaratu dituen deialdietan.

2. OOGko kideen erdia berritzean, bukatzen duten irakasleak ez dira hautagai izango.

8. artikulua. Presidentea eta idazkaria aldatzea [4]

1.      Zuzendaria kanpoan bada, ikasketaburua izango da ikastetxeko buru edo, hala badagokio, antzinatasunik handien duen ikastetxeko OOGko irakaslea.

2.      Idazkariorderik egon ezean, ikastetxeko OOGko irakasle berrienak hartuko du idazkariaren lekua. Pertsona horrek, irakasle den aldetik, botoa emateko eskubidea izaten jarraituko du.

9. artikulua. OOGren funtzionamendu-erregimena [5]

1.      OOGren bilerak kide guztiek aurretik adostu eta zehaztutako ordua eta egunean burutuko dira.  Zuzendariak bileraren deialdia bidaliko die OOGko kideei. Deialdiarekin batera, honako hauek helaraziko dizkie: bileraren gai-zerrenda; eztabaidagai izango diren dokumentuak; eta, hala badagokio, onespena. Kideek, beraz, posible denean, bilera egin baino astebete lehenago jasoko dituzte agiri horiek guztiak inoiz ez 48 ordu baino gutxiagoz.

2.      Ezohiko bileretarako deiak egin daitezke, betiere, 48 orduz aitzin dei egiten badira. Hala gerta daiteke, premiaz landu behar den auzirik badago.

3.      OOG hiruhilekoan behin bilduko da gutxienez[6]. OOG bilduko da zuzendariak hala eskatzen duenean edo OOGko kideen heren batek hala nahi duenean.  Edonola ere, ikasturtearen hasieran eta amaieran bilera bana egin beharko ditu nahitaez.  OOGko kide guztiek derrigor joan beharko dute OOGren bileretara.

4.      OOGk gehiengo soilez[7] hartuko ditu akordioak, kasu hauetan izan ezik:

a)      Hezkuntza-proiektua, urteko plana eta AJA nahiz AJA ren aldaketak onetsi behar direnean. Horiek guztiak gehiengo osoz onartuko dira.[8]

b)      Zuzendaria berriz izendatzeko proposamena onetsi behar denean. Proposamen hori bi hereneko gehiengoaz onetsiko da.[9]

5.      Bilerek bi ordutako iraupena izango dute asko jota saioan bertan hala erabakitzen ez bada ebatzi behar den gaiak duen garrantzi edo premiagatik.

6.      Erregelamendu honetan eta hezkuntzako legeetan aurreikusi ez diren OOGri buruzko auziak ebazteko, administrazio-jardunbidearen Legeko II. tituluko 2. kapituluan ezarritakoa beteko da.

10. artikulua. OOGko batzordeak

1.      OOGk batzorde iraunkorra izango du. EEPLko 36.3 artikuluan zehaztu diren funtzioak beteko ditu, baita OOGren osoko bilkurak haren esku uzten dituenak ere. Batzorde iraunkorra ondoko kide hauek osatuko dute: zuzendariak, ikasketaburuak, idazkariak, irakasle batek, hiru ikasleen gurasoak eta udalaren ordezkariak.[10]

2.      Bizikidetza batzordeak osaera hau izango du: zuzendaria, ikasketaburua, irakasle bat, eta hiru ikasleen guraso. Bizikidetza Batzordeak bi funtzio nagusi izango ditu. Batetik, ikastetxean bizikidetzarako giro egokia egotea zaintzea. Bestetik, bizikidetzaren aurkakoak diren eta bizikidetzarentzat larri kaltegarriak izan daitezkeen jokabideak zuzentzeko neurriak ezagutzea, aplikatzea eta berrikustea[11].

3.      Ekonomia batzordea ere sortuko da. Batzorde honetan zuzendaria, idazkaria, irakasle bi eta guraso bi egongo dira.  Bere egitekoa: agintzen zaizkion auziei buruz OOGri informazio ekonomikoa ematea. [12]

4.      Jantoki eta Garraio batzordea: Batzorde honetan zuzendaria, idazkaria, irakasle bi, zerbitzuetako ordezkaria eta hiru guraso egongo dira. Batzar horietara Jantokiko arduraduna eta sukaldari bat ere joango dira (sukaldari bat ordezkari zuzena ez denean). Hiruhilabetean behin batzartuko dira menuen osaera aztertzeko. Hala ere jantokiko zein garraioko antolamenduko gaiak ere aztertuko dituzte behar denean.

5.      Obra, osasuna eta segurtasun batzordea:  Zuzendaria, bi guraso, bi irakasle, Hezkuntza Arreta Osagarriko kidea eta udalaren ordezkari ditugu batzorde honen partaidetzat. Haren funtzioa ikastetxeko instalazioen egoeraren jarraipena da eta bertan egiten diren lanena ere.

6.      Eskolaz kanpoko ekintzen batzordea: Honetan zuzendaria,  irakasle bi eta hiru guraso egongo dira. Talde honek eskolaz kanpoko ekintzetan sortzen diren arazoei irtenbide ematen saiatuko da.

7.      Testu liburuen batzordea, zeinetan zuzendariak, idazkariak, hiru gurasok eta bi irakaslek hartuko dute parte. Liburu programaren jarraipenaz arduratuko da eta zeregin horretan sortzen diren arazoei irtenbide emateaz ere.

8.      Legarda Eguneko batzordea. Horretan zuzendaria, bi guraso eta irakasle bat egongo dira. Batzorde honek Legarda Eguna antolatuko du eta zabalik egongo da Legarda Eguneko antolamenduan parte hartu nahi duten guztientzako.

9.   Batzorde teknologikoa. Horretan zuzendaria, bi guraso eta irakasle bat egongo dira.

OOGk auzi zehatzez arduratuko diren batzordeak sor ditzake. Batzorde horiek sortzeko erabakian haien esku utzi diren eskumenak izango dituzte eta erabakian ezarri bezala sortuko dira. Sortzen diren batzorde guztiek –artikulu honetako lehen bi paragrafoetan zehaztu direnak barne– azterketak, txostenak eta proposamenak egin ditzakete beren eskumenekoak diren gaiei buruz. Artikulu honetako 1. eta 2. paragrafoetan, indarrean dauden arauak betetzearekin lotura duten zenbait gai aztertu dira. Arauetan aurreikusi diren kasu zehatz horietan izan ezik, sortu diren batzorde bereziek erabakiak har ditzakete. Horretarako, berariazko eskumena behar dute eta batzorde iraunkorra moduan osaturik egon, hau da, OOGko osaerarekiko proportzionalak izan behar dira. Batzorde berezien esku, beraz, gehiengo soilez ebatz daitezkeen erabaki guztiak utz daitezke. [13]

2. ATALA. IRAKASLEEN KLAUSTROA

11. artikulua. Irakasleen klaustroaren ezaugarriak eta osaera

1.      Irakasleen klaustroa, LEGARDA HLHIko aginte-organoetako bat izateaz gain, irakasleen berezko parte hartze organoa da. Are gehiago, koordinazio didaktikorako ikastetxean dagoen organo gorena da. Klaustroak, halaber, ikastetxeko hezkuntza-alderdi guztiak planeatzeko, koordinatzeko erabakiak hartzeko eta informazioa emateko ardura du.

2.      Klaustroak zuzendaria izango du buru eta ikastetxean irakasle aritzen diren irakasle guztiek osatuko dute.  LEGARDA HLHIak idazkaria klaustroko idazkaria izango da ere.

3.      Zuzendaririk egon ezean, ikasketaburua izango da klaustroko buru. Eta zuzendaririk nahiz ikasketabururik ez badago, antzinatasunik handiena duen irakaslea izango da klaustroko buru.  Idazkaririk egon ezean, aitzitik, irakasleen artean berrienak beteko ditu idazkariaren funtzioak.

12. artikulua. Klaustroaren funtzionamendu-erregimena

1.      Klaustroa hiruhilekoan behin bilduko da gutxienez, zuzendariak deialdia egin edo klaustroa osatzen duten kideen gutxienez heren batek hala eskatzen badu. Horrez gain, bi bilkura egin beharko dira nahitaez: ikasturtearen hasieran bat eta amaieran beste bat.[14]

2.      Klaustroko kide guztiek   Klaustroaren bileretara joan beharko dute. Klaustroetan ez dira praktiketan dauden ikasleak egongo. 

3.      Ohiko bileretarako deia bilera baino astebete lehenago egingo da gutxienez.  Salbuespen moduan, ezohiko bileretarako deiak egin daitezke, betiere, berrogeita zortzi orduko aurrerapenaz egiten badira. Hala egin daiteke premiaz landu behar den auziren bat badago.[15]

4.      Erregelamendu honetan eta hezkuntzako legeetan aurreikusi ez diren auziak ebazteko, Herri Administrazioen Araubidean eta Administrazioko Prozedura Erkidearen Legeko II. tituluko 2. kapituluan ezarritakoari jarraituko dio klaustroak.

13. artikulua. Klaustroaren eskumenak

EEPLko 35. artikuluan eta indarrean dauden beste xedapen batzuetan, irakasleen klaustroaren funtzioak zehaztu dira:

a)      Ikastetxearen ikasketa-proiektua eta irakaskuntza-ihardunen egitaraua egin eta onartzea, ordezkaritza-organo gorenak irizpena eman ondoren; organo horrek erabakiko du ikastetxearen hezkuntza-proiektuan jasotako asteztarauen egokitasunaz.

b)      Irakaskuntza ihardueren egitarauaren betetze-mailaren berri ematea ordezkaritza-organo gorenari urteko txostena egin dezan.

c)      Ikasleak ebaluatu eta berreskuratzako lanari buruzko irizpideak ezarri eta koordinatzea.

d)      Ikaslegoaren bideratze-eginkizunak eta tutoretza planifikatzea eta zuzentzea.

e)      Ikastetxean garatu behar diren pedagogiazko saioetarako edo ikerketarako ekinbideak sustatzea.

f)       Ikastetxearen iharduera-arauak onartzea.

g)      Irakaslegoaren prestakuntzari dagozkionetan prestakuntza-ihardueren, eskolaz kanpokoen eta osagarrizkoen egitarauari buruzko txostena egitea, 36.3 atalean erabaki bezala egina, eta ordezkaritza-organo gorenak onartu baino lehen. 

h)      Erreglamenduetan eman ahal zaizkion beste zenbait funtzio.

III. ATALA. ZUZENDARITZA TALDEA

14. artikulua. Zuzendaritza taldea

1.      Pertsona bakarreko aginte-organoek LEGARDA HLHIko zuzendaritza taldea osatzen dute. Horiek guztiek modu koordinatuan betetzen dituzte beren funtzioak.

2.      Zuzendaritza taldeak EEPLko 36. artikuluan esleitzen zaizkion funtzioak izango ditu:

a.       Ikastetxearen zuzendaritza eta koordinaziorako irizpideak erabakitzeko eta iharduerari begira garrantzi handiagoko erabakiak hartzeko orduan zuzendariari laguntzea.

b.      Kudeaketa-proiektua, prestakuntza-ihardueren, eskolaz kanpokoen eta osagarrizkoen egitaraua eta urteko kudeaketa-egitaraua gauzatzea, ordezkaritza-organo gorenak onar ditzan.

c.       Aurreko puntuan adierazitako programen burutzapena zaintzea eta koordinatzea, eta horien betetze-mailaren berr ematea ordezkaritza-organo gorenari urteko txostena onar dezan.

d.      Urteko txostenaren zirriborroa egitea, ordezkaritza-organo gorenak eztabaida dezan.

e.       Ordezkaritza-organo gorenari euskal eskola publikoko beste zenbait ikastetxerekin lankidetza-harremanak izateko proposamena egitea eta, halaber, kultura eta hezkuntza xedez, erakundeekin ituneak izenpetzeko proposamenak egitea, organo horrek, egoki baderitzo, hezkuntza-administrazioari aurkez diezazkion.

f.        Irakasle-taldeak antolatzea eta irakasleak beren ihardueretara atxikitzeko irizpideak erabakitzea ikasturte bakoitzaren hasieran.

g.      Beraren esku OOGk zein klaustroak, haien eskumena eremuetan uzten dituztenak.

3.      Zuzendaritza taldeak, egoki baderitzo, hezkuntza-komunitateko zeinahi kide gonbidatu dezake bere bileretara aholkuak eman ditzan.  Era berean, egoki deritzon funtzioak ikastetxeko irakasleen esku utz ditzake, batez ere, zikloko edo etapako koordinatzaileen esku edota proiektu zehatzez arduratzen diren irakasleen esku. [16]

4.      LEGARDA HLHIan, pertsona bakarreko organo hauek osatuko dute zuzendaritza taldea: [17] Zuzendaria, Ikasketaburua eta Idazkaria

III. KAPITULUA. PERTSONA BAKARREKO AGINTE-ORGANOAK

15. artikulua. Zuzendaria

1.      LEGARDA HLHIko zuzendaria ikastetxearen ordezkari izango da ondorio guztietarako. Zuzendaria, halaber, Hezkuntza Administrazioaren ordezkari da ikastetxean, eta ikastetxeko taldeko aginte-organoen buru da.

2.      Zuzendariak EEPLko 34. artikuluan ezarri diren eskuduntzak eta eskumenak ditu:

a.       Ikastetxearen ordezkaritza izatea, ikastetxean hezkuntza Administrazioa ordezkatzea, eta Administrazio horri hezkuntza-komunitatearen planteamenduak, asmoak eta premiak helaraztea.

b.      Ikastetxearen jarduera guztiak zuzentzea eta koordinatzea, irakasleen klaustroari eta ordezkaritza-organo gorenari esleitutako eskumenak aparte utzi gabe.

c.       Zuzendaritza pedagogikoa gauzatzea, hezkuntzaberrikuntza sustatzea eta ikastetxearen heziketa-proiektuaren helburuak lortzeko planak bultzatzea.

d.      Legeen eta indarrean dauden gainerako xedapenen betetzea bermatzea.

e.       Ikastetxeari atxikitako langile guztien buru izatea.

f.        Ikastetxeko elkarbizitza hobetzea, gatazkak konpontzeko bitartekotza bermatzea eta ikasleei dagozkien neurri zuzentzaileak ezartzea indarrean dagoen araudia beteta, gai honetan ordezkaritza-organo gorenari esleitutako eskumenak aparte utzi gabe. Horretarako, ikastetxeetan gatazkak konpontzeko prozedurak bizkortzea sustatuko da.

g.      Ikastetxearen eta ingurunearen arteko harremana sendotzeko, familiekin, erakundeekin eta organismoekin lankidetza bultzatzea, eta eskolagiroa sustatzea, ikasleek jakintzetan eta balioetan prestakuntza integrala jasotzeko eta ikasketa ohiturak sustatzeko lagungarri izan daitezkeen jardun guztiak garatze aldera.

h.      Ikastetxearen barneko ebaluazioak bultzatzea eta kanpoko ebaluazioetan eta irakasleen ebaluazioan laguntzea.

i.        Ikastetxeko ordezkaritza-organo gorenaren eta irakasleen klaustroaren egintza akademikoetarako eta bilkuretarako deialdia egitea, egintza-bilkura horiek zuzentzea eta aipatutako erakundeek beren eskumenen eremuan hartutako erabakiak betearaztea eta betetzen diren zaintzea.

j.        Lege honen 63. atalak aipatzen dituen obren, zerbitzuen eta horniduren kontratazioak egitea, gastuak baimentzea ikastetxearen urteko kudeaketa programarekin bat etorriz, ordainketak agintzea eta ikastetxearen ziurtagiriei eta dokumentuei oniritzia ematea, hori guztia araudi bidez ezarritakoari jarraiki.

k.      Hezkuntza gaietan eskumena duen sailari ikastetxeko zuzendaritza-taldeko beste kideen izendapena eta kargu-uztea proposatzea, irakasleen klaustroari eta ikastetxeko ordezkaritza-organo gorenari jakinarazi ondoren.

l.        Hezkuntza gaietan eskumena duen sailak esleitzen dizkion guztiak, beste arau batzuk esleitzen dizkionak eta ikastetxearen antolaketa eta jardunbiderako erregelamenduak ezartzen dizkionak.

16. artikulua. Ikasketaburua

Ikasketaburuak, zuzendaritza taldeko kide den aldetik dituen eskumenez gain, EEPLren 41. artikuluan ezarri zaizkionak izango ditu. 

a.       Irakaskunzako iharduerak koordinatzea.

b.      Eskolako ordutegiak egitea eta betetzen direla zaintzea.

c.       Irakasle bakoitzari ikastetxeko gela bat edo gehiago izendatzea, EEPLko 36.2 f) atalean araututakoari jarraiki.

d.      Arauek eta ikastetxearen antolakuntza eta iharduera-araudiak aitor diezazkioten gainerako egitekoak.

Ikasketaburua, zuzendariaren agintepean, irakasleen buru izango da erregimen akademikoarekin zerikusia duten auzi guztietan. Horrez gain, Batzorde Pedagogikoa eta tutoreen jarduna koordinatuko du.

17. artikulua. Idazkaria

Idazkariak, zuzendaritza taldeko kide denetik dituen eskumenez gain, EEPLren 42. artikuluan ezarri zaizkionak izango ditu. 

a.       Ordezkaritza-organo gorenaren, ikastetxeko zuzendaritza-taldearen eta irakasle-klaustroaren bilkuretako gai-zerrendan sartu beharreko gaiak prestatzea, organo horietako lehendakariak ezarritakoaren arabera, eta organo horien bilkuretako akta egitea.

b.      Aktak, espedienteak eta ikastetxearen beraren agiriak zaintzea, eta bertako organoen eskuetan izatea. Ikastetxeko irakas-baliabideak zaintzea.

c.       Zuzendariaren oneritziaz, ikastetxearen egintza, erabaki, hitzarmen, aurrekin, libur eta agiri guztiak egiaztatzea.

d.      Arauek eta ikastetxearen antolakuntza eta iharduera araudiak aitor diezazkioten gainerako egitekoak.

Zuzendariaren agintepean, ikastetxean aritzen diren administrazioko eta zerbitzuetako langileen buru izango da.

18. artikulua. Pertsona bakarreko aginte-organoak izendatzea eta kargua uztea

EEPLn nahiz arauzko xedapenetan aurreikusitakoa beteko da pertsona bakarreko aginte-organoak izendatzeko eta izendatuek kargua uzteko.

19. artikulua. Zuzendaritza taldeko kideak ordezkatzea

1.  Zuzendaria kanpoan bada edo gaixo badago, ikasketaburuak beteko ditu haren funtzioak behin-behinekoz.

2.      Ikasketaburua kanpoan bada edo gaixo badago, zuzendariak agintzen duen irakasleak beteko ditu haren funtzioak behin-behinean. Zuzendariak bere erabakiaren berri emango dio OOGri.

3.      Era berean, idazkaria kanpoan bada edo gaixo badago, zuzendariak izendatzen duen irakasleak beteko ditu idazkariaren funtzioak. Zuzendariak gertakariaren berri eman behako dio OOGri.

4.      Zuzendaria kanpoan bada edo gaixo badago, ikasketaburua jarduneko zuzendari izango da. Jarduneko zuzendariaren eskumen berak izango ditu, baita artikulu honetako 2. eta 3. paragrafoetan jaso direnak ere.

IV. KAPITULUA. IRAKASKUNTZA KOORDINATZEKO ORGANOAK

20. artikulua. LEGARDA HLHIko koordinazio-organoak[18]

LEGARDA HLHIan irakaskuntzaren koordinazio-organo hauek egongo dira:

a.       Batzorde Pedagogikoa 

b.      Tutoreak.

c.       Taldeko, mailako, zikloko edota etapako irakasle taldeak.

I. ATALA. BATZORDE PEDAGOGIKOA

21. artikulua. Batzorde Pedagogikoaren osaera

LEGARDA HLHIan Batzorde Pedagogikoa egongo da. Ikasketa buruak, zikloetako koordinatzaileak, eta aholkulariak osatzen dute Batzordea, ikasketaburua buru izango duelarik.  Batzorde horretara jantokiko eta liburutegiko arduradunak ere joango dira haiekiko koordinaketa errazteko. Astero bilduko da.

22. artikulua. Batzorde Pedagogikoaren eskumenak

1. Irakasleen klaustroko batzordea da.  Bere funtzio nagusia curriculum-proiektua eta proiektuari egin dakizkiokeen aldaketak koordinatzea izango da. Era berean, eta ikasketa buruarekin batera, ikastetxeko ekintzen koordinazio orokarra ere egingo du.

2. Egiteko hori betetzeko jarraian aipatuko ditugun eskumenak izango ditu, betiere, irakasleen klaustroaren zaintzapean egonik:

a.       Etapako curriculum-proiektuak lantzeko eta berrikusteko zuzentarau orokorrak ezartzea

b.      Etapako curriculum-proiektuak nahiz berorien zuzenketak koordinatzea eta beroriek idaztea. Etapako curriculum-proiektuak ikastetxearen hezkuntza-proiektuarekin bat datozela ziurtatzea.

c.       Ikasketa-ekintzen programagintza eta Tutoretza Plana idazteko eta berrikusteko zuzentarau orokorrak ezartzea.

d.      Klaustroari curriculum-proiektuak proposatzea, onar ditzan.

e.       Etapako curriculum-proiektuak betetzen direla zaintzea eta ebaluatzea.

f.        Klaustroari ebaluazio- eta kalifikazio-bilkuren plangintza orokorra proposatzea ikasketaburuak dioenaren arabera.

g.      Irakasleen klaustroari planak proposatzea ondoko hauek ebaluatu ditzan: etapa bakoitzeko curriculum-proiektua, hezkuntza-proiektuaren irakaskuntza, urteko programazio orokorra, ikastetxean eskola-errendimenduak izan duen eboluzioa eta irakaskuntza-prozesua.

h.      Prestakuntza-berrikuntza ekintzak antolatu eta koordinatzea.

i.        Urteko Plana eta Memoriaren koordinatzea ikasketa burarekin batera.

j.        Ikastetxeko jarduera nahiz proiektu guztiak ebalua daitezela sustatzea, Hezkuntza Administrazioaren edo aginte-organoen ekimenez gauzatzen diren ebaluazioetan laguntzea, eta ebaluazio horien ondorioz beharrezko gerta litezkeen hobekuntza-planak sustatzea.

II. ATALA. TUTOREAK ETA IKASLE TALDEEN IRAKASLEAK

23. artikulua. Tutoretza eta tutoreak izendatzea [19]

1.      Tutore izatea eta ikasleak orientatzea irakasleen berezko funtzio dira.

2.      LEGARDA HLHIko ikasle talde bakoitzak bere tutorea izango du.

3.      Zuzendariak izendatuko du talde bakoitzeko tutorea. Horrela, ikasketaburuaren proposamena kontuan harturik, ikasleei eskola ematen dien irakasleetako bat aukeratuko du, betiere, ikasturtea antolatzeari buruz Hezkuntza Sailburuordearen ebazpenean jaso diren jarraibideekin bat etorriz.

Dena den lanpostu hauen aukeraketa Klaustroan egingo da Legarda HLHIko klaustroak berak aprobatuta dituen lehentasun irizpide hauek jarraituz, beti ere ikasturte hasierako ebazpena oinarri moduan izanik, eta berak markatzen duena errespetatuz:

a.       Zikloa amaitu dutenek eskolan duten antzinekotasunaren ordenean.

b.      Behar den espezialitatea izatea eta haien antzinekotasuna eskolan berriro ere ordena markatuz.

c.       Lanpostua desagertuta dutenek.(Funtzionarioak)

d.      Zerbitzu eginkizunak(Behin betikoak)

e.   Behin behinekoak eskolan duten antzinekotasunaren ordenean.

f.        Oposaketa gainditu dutenek. Notaren arabera.

g.      Ordezkoak (Puntuazioaren arabera eta espezialitatea).

4.      Ikasketaburuak tutoreen lana koordinatuko du eta, aldian aldiro, beharrezkoak diren bilerak egingo ditu tutoretzek egoki funtziona dezaten.

24. artikulua. Tutoreen funtzioak

Tutoreek ikasturtero beren gain hartuko dituzte ikasturtea antolatzeari buruzko ebazpenean esleitu zaizkien funtzioak eta atazak.

25. artikulua. Talde bateko irakasleen erregimena eta osaera

1.      Ikasle talde berari eskolak ematen dizkieten irakasleek talde bat osatuko dute, eta talde hori ikasle taldearen tutoreak koordinatuko du.

2.      Ikasle taldearen irakasleak ebaluazioari buruzko araudietan ezarritakoaren arabera bilduko dira. Ikasketaburuak egingo du bilerarako deia, ikasle taldeko tutorearen eskariz.

26. artikulua. Ikasle taldeko irakasleen funtzioak

Ikasle taldearen irakasleek funtzio hauek izango dituzte:

a.       Taldeko ikasleen ebaluazio eta segimendu orokorra egitea. Horretarako, ikasleen ikaskuntza hobetzeko beharrezkoak diren neurriak ezarriko dituzte, betiere, ebaluazioari buruzko legeetan ezarri diren baldintzei jarraiki.

b.      Taldeko bizikidetza-giroa hobetzeko beharrezkoak diren jarduerak ezartzea.

c.       Taldearen baitan sortzen diren gatazkak modu koordinatuan lantzea eta gatazka horiek ebazteko neurririk egokienak ezartzea.

d.      Taldeko ikasleei proposatzen zaizkien ikaskuntza- nahiz irakaskuntza-jarduerak koordinaturik egon daitezela zaintzea.

e.       Taldeko ikasleen gurasoei edo tutoreei emango zaien informazioa ezagutzea eta hura osatzen laguntzea.

f.        Gela taldeari dagokiolarik ikastetxeko zuzendaritza-organoek eman  ahal dioten edozein gainerako funtzio.

g.  Ikastetxe honetan praktikatan dagoen unibertsitateko ikasleriak ez du  ziklo bileratan parte hartuko, ezta guraso, familia edo tutoreekin, zein irakasleekin,  izaten diren bileratan.

V. KAPITULUA. PARTAIDETZA-ORGANO BEREZIAK

I. ATALA. GURASOEN BATZARRA, IKASLEEN GURASO-ELKARTEAK

27. artikulua. Gurasoen Batzarra[20]

1.      LEGARDA HLHIko Gurasoen Batzarraren bidez, gurasoek ikastetxearen kudeaketan parte har dezakete.  Ikasle guztien gurasoek edo tutoreek osatuko dute organo hori. Zuzendariak egingo du biltzeko deialdia eta bera izango da bilkuraren buru; ikasturte bakoitzaren hasieran gutxienez behin bilduko da Gurasoen Batzarra, betiere, ez bada beste prozedura bat aukeratzen, artikulu honen 2. eta 3. e) ataletan azaltzen den ahalmenean oinarrituta.

2.      Gurasoen Batzarraren barruan beste organo bat egon daiteke, zuzeneko eta isilpeko botoaren bidez aukeratuko dena; barne-organo horrek Gurasoen Batzarraren bilerak antolatuko ditu eta Batzarrak hartutako erabakiak gauzatzen direla gainbegiratuko du

3.      Gurasoen Batzarrak honako funtzio hauek beteko ditu:

a.       Egokitzat jotzen dituen proposamenak ikastetxeko gainerako organoetara luzatzea, organo horien eskumenekoak diren gaiei buruzkoak. Helarazi diezaieke, beraz, irakaskuntza-jardueren, prestakuntza-jardueren, eskolaz kanpoko jardueren eta jarduera osagarrien programa nahiz urteko kudeaketa-programa gauzatzearen balioespena.

b.      Zuzendaritza taldearekin eta klaustroarekin kontaktuan egotea, ikastetxearen hezkuntza-proiektuaren garapenean ahalik eta lankidetza handiena lortze aldera.

c.       Gurasoen ekimena sustatzea, ikastetxearen bizitzan aktiboki parte har dezaten.

d.      Taldeko organoetan gurasoen ordezkari direnak Gurasoen Batzarraren bilkuretara agertzeko eskatzea, egindako kudeaketari buruzko informazioa eman dezaten.

e.       Funtzionamendurako bere arauak onestea.

28. artikulua. Ikasleen guraso-elkarteak

1.      LEGARDA HLHIak, indarrean dagoen otsailaren 10eko 66/1987 Dekretuak –Euskal Autonomia Erkidegoko ikasleen guraso-elkarteak arautzen dituenak– xedatzen duenaren arabera eratuko diren ikasleen guraso-elkarteak aintzatetsiko ditu, haien egoitza izango da eta ikastetxearen funtzionamenduan parte hartzera lagunduko die.

2.      Zuzendariak zehaztuko du legalki eratu diren elkarteek zer lokal erabiliko dituzten modu iraunkorrean. Zuzendariak, elkarteen ordezkariek hala eskaturik, gune komunak erabiltzeko baimena emango die arestian aipatutako elkarteei.

3.      OOGn ordezkari aritzeko, guraso-elkarterik garrantzitsueneko kide bat aukeratuko da, halaxe zehaztu baita arauetan. Aipatu berri dugun kasuan izan ezik, legalki eratu diren elkarteak ez dira inola ere baztertuko.

4.      Ikastetxeko aginte-organoek ez dituzte ikasleen gurasoak jardutez edo ez-egitez behartuko elkarte eratuetako batean izena ematera ezta elkarte eratuetako bat diruz laguntzera ere.

29. artikulua. Elkarte legalki eratuen bidez parte hartzea

Ikastetxean eratu diren ikasleen guraso-elkarteek ondoko hauek egin ditzakete:

a.       OOGri hezkuntza-proiektua lantzeko nahiz aldatzeko proposamenak egin.

b.      OOGri ikastetxearen martxari buruz egoki deritzon alderdien berri eman. 

c.       Hezkuntza-komunitateko kide guztiei bere jardueren berri eman.

d.      OOGn landu diren gaiei buruzko informazioa jaso. OOGren gai-zerrenda jasotzea hark bilerak egin aurretik, proposamenak prestatu ahal izateko.

e.       OOGrako txostenak egin, bai guraso-elkartearen berezko ekimenez bai OOGk hala eskatuta.

f.        AJA aldatzeko proposamenak landu.

g.      Jarduera osagarriak egitea proposatzea.

h.      Emaitza akademiko orokorren nahiz berorien gain ikastetxeak egiten duen balioespenaren berri izatea.

i.        Hezkuntza-proiektuaren, curriculum-proiektuen eta proiektu horien aldaketen ale bat jasotzea.

j.        Ikastetxeak hautatu dituen testuliburuei eta ikasmaterialei buruzko informazioa jasotzea.

k.      Hezkuntza-komunitateko kide guztien arteko elkarlana sustatzea.

l.        Ikastetxeko instalazioak erabiltzea, zuzendariak ezarritako baldintzetan.

II. TITULUA . BIZIKIDETZARAKO ARAUAK

I. KAPITULUA. PRINTZIPIO OROKORRAK

30. artikulua. Bizikidetzaren oinarriak

LEGARDA HLHIaren ustez, bizikidetza bermatzeko, batetik, hezkuntza komunitate osoak ikasleen eskubideak errespetatu eta babestu behar ditu ezinbestean eta, bestetik, ikasleek beren eskubideak eta eginkizunak arduraz bete behar dituzte, titulu honetan ezartzen denarekin bat etorriz.

31. artikulua. Bizikidetza-plana

LEGARDA HLHIak bizikidetza-plana idatzi du, Hezkuntza, Unibertsitate eta Ikerketa Sailak xedatzen duenarekin bat.  Bizikidetza-planaren helburu nagusia bizikidetzan gerta daitezkeen gatazkak prebenitzea da. Gatazkarik gertatuz gero, beroriek nola ebatzi aurreikusiko da. Abenduaren 2ko 201/2008 Dekretuaren bitartez, aukerako zenbait bide ezarri ziren hainbat jarduera eta neurri aplikatzeko. Hartara, gatazkak ebazteko, aipatu berri dugun Dekretuaren bidez ezarri ziren neurriak aplikatuko dira. Horretarako, beharrezko balitz, bitartekaritza-prozedurak erabil daitezke.

32. artikulua. Eskubideen berehalako babesa

Ikasleek Abenduaren 2ko 201/2008 Dekretuko 6. artikulutik 21. artikulura bitartean jaso diren eskubideak izango dituzte. Ikastetxeko irakasleren batek ikusten badu ikasleren baten jokabidea arestian aipaturiko eskubideen kontra doala edo eskubide horiek betetzea galarazten duela, esku hartu beharko du berehala. Jokabide okerra izan duen ikaslea ahoz ohartarazi beharko du eta, ondoren, ikaslearen tutoreari komunikatuko dio gertatutakoa. Horrez gain, ikasketaburuari ere komunikatuko dio gertatutakoa.

33. artikulua. Betebeharrak betetzeko bermea

Ikasleek Abenduaren 2ko 201/2008 Dekretuko 21. artikulutik 27. artikulura bitartean jaso diren betebeharrak bete beharko dituzte.  Ikastetxeko irakasleren batek ikusi badu ikasleak ez dituela bere betebeharrak bete, haren jokabidea zuzendu beharko du berehala. Horrez gain, irakasleak uste badu ikasleak bere jokabideaz hezkuntza-komunitateko beste kide batzuen eskubideak urratu dituela, ikaslearen tutoreari komunikatuko dio gertatutakoa. Horrez gain, ikasketaburuari ere komunikatuko dio gertatutakoa.

II. KAPITULUA. IKASLEEN ESKUBIDEAK BETETZEKO BERMEA

34. artikulua. Irakasleek ikasleen eskubideak babesten laguntzea

LEGARDA HLHIko irakasle guztiek abenduaren 2ko 201/2008 Dekretuaren bidez ikasleei aitortu zaizkien eskubideak babesten lagunduko dute. Horretarako, araudi honetan eta aginte-organoen jarraibideetan zehaztutakoari jarraituko diote.

35. artikulua. Segurtasunarekin lotura duten eskubideak zaintzea

1.      Tutoreek, nahiz gainerako ikastetxeko langileek, hautematen badute ikasleren bat tratu txarrak jasotzen ari dela edo, Eskubideen eta Betebeharren Dekretuko 7.2 eta 7.3 artikuluetan aurreikusitakoarekin bat, haurren bat arriskuan edo babesik gabe dagoela, Ikasketaburua edo Zuzendaria jakinaren gainean jarriko dute.

2.      Irakasleek, nahiz gainerako ikastetxeko langileek, berdinkideen arteko tratu txarrak prebenitu edo ahalik eta lasterren hauteman behar dituzte.  Tratu txarren arrastorik antzemanez gero Zuzendaritza taldea jakinaren gainean jarriko du berehala, egoki diren protokoloak aplikatu daitezen.

36. artikulua. Ondra, intimitatea eta irudi propioa babesteko eskubidea

1.      Ikasleek nahiz hezkuntza-komunitateko gainerako kideek haien ondra, intimitatea eta irudi propioa babesteko eskubidea dute. Horrenbestez LEGARDA HLHIko, aginte-organoek, tutoreek eta irakasle guztiek babestu beharko dute ikasleen nahiz hezkuntza-komunitateko kideen eskubide hori.  Zuzendaritza taldeak zenbait arau proposatuko dizkio OOGri grabatzeko bideen, sakelako telefonoen eta, oro har, teknologia berrien erabilerari buruz. OOGk, bere aldetik, arau proposatu horiek onartu ala ez aztertuko du.  Aipatu berri ditugun arauen bidez, ikasgelan grabazioak egitea, argazkiak ateratzea eta sakelako telefonoa erabiltzea galarazita egongo da.

2.      Ikasgelatik kanpo, hau da, eraikinean, eskola-barrutian edo eskolaz kanpoko ekintzetan (txangoak, jardunaldi bereziak, barnetegiak,...),  aipatu berri ditugunak erabiltzea baimentzen bada, egoki izan daitezkeen muga guztiak proposatu daitezke. Batera zein bestera, debekaturik egongo da hezkuntza-komunitateko kideren bati bere baimenik gabe argazkiak ateratzea edo hura filmatzea. Debekatuta egongo da ere hezkuntza-komunitateko kidearen baimenaz atera den argazkia edo egin den grabazioa interesdunaren baimenik gabe erabiltzea.

3.      Ondra, intimidadea eta irudi propioa babesteko CEIP LEGARDA HLHI ikastetxeak ikasle berri guztiei , irudi propioa erabiltzeko edo erabilpena debekatzeko baimena eskatuko dio , horretarako prestatuta egongo den agiri baten bitartez. Bertan zehaztuko da zein mediotan erabili ahal den irudi propioa edo debekatzen den. Ez ohiko ekintzetan grabazioak eta argazkiak egiten badira, ez ohiko agiria beteko da eta familiek baimentuta egon beharko da. Baimen hau ekintza horretarako bakarrik erabiliko da. Ez da izango CEIP LEGARDA HLHI ikastexearen errespontsabilitatea ez erantzunkizuna  familiek baimena eskatu barik egiten dituzten argazki, grabazio edo bestelakoak.

37. artikulua. Idatzizko adierazpen askatasunaren eskubidea betetzea

1.      Apirilaren 19ko 201/2008 Dekretuaren 14. artikuluak ikasleei aitortzen dien adierazpen askatasunaren eskubidea gauzatzeko hurrengo arauak izango dira kontutan:

a.       LEGARDA HLHIan begi bistan jartzen den idatzizko informazioa erakundeekiko eta hezkuntza-komunitateko kideenganako errespetua kontuan hartu beharko da. Zuzendariak, ala Ikasketa Buruak , eskubide hau bermatzeko lekuak, espazioak eta moduak markatuko ditu.

b.      Edonola ere, informazioa jendarteratzeko dauden lekuetan eta espazioetan jartzen den informazio orotan, informazioaren erantzule den pertsonaren, erakundearen, elkartearen zein taldearen izena agertuko da.

c.       Gelen barruan eskolako jarduerei buruzko informazioa bakarrik jar daiteke.

2.      Aipatutako arauak errespetatzen ez dituzten informazioak kendu egingo dira, zuzendariaren edo ikasketaburuaren aginduz.

III. KAPITULUA. BETEBEHARRAK BETETZEKO BERMEAK

38. artikulua. Printzipio orokorra

1.      Abenduaren 2ko 201/2008 Dekretuak zenbait betebehar ezarri dizkie ikasleei. Ikasleek betebehar horiek ez betetzea, gutxienez, jokabide okertzat hartuko da beti. Hutsegite hori, halaber, bizikidetzari kalte larria eragiten dion jokabide edo bizikidetzaren kontrako jokabide izan daiteke, baldin eta haren bidez hezkuntza-komunitateko gainerako kideei beren eskubideak betetzea galarazten bazaie, edota hezkuntza-komunitateko gainerako kideen eskubideak zuzenean urratzen badira.

2.      Betebehar horiek betetzen ez direla ikusten duen edozein irakaslek esku hartu beharko du derrigor. Horrenbestez, bizikidetzarekin bat ez datorren jokabidea zuzendu beharko du, betiere, arestian aipaturiko Dekretuan nahiz araudi honetan ezarritakoarekin bat etorriz.

39. artikulua. Zuzendu beharreko jokabideak

1.      Ahalik eta lasterren zuzendu behar dira 201/2008 Dekretuak okertzat jo dituen jokabide guztiak, baita bizikidetzaren kontrakoak edo bizikidetzari kalte larriak eragiten dizkietenak ere.  Ahal den heinean, neurri zuzentzaileek zuzendu beharreko jokabidearekin lotura izan behar dute, hainbestekoa non zuzendu beharreko jokabidearen ondoriotzat har daitezkeen.

2.      Hala ere 201/2008 Dekretuko hurrengo arauak kontutan izango dira:

a.       4. Artikuluan, Dekretu berak tipifikatu gabeko jokabideei neurri zuzentzaileak aplikatzeko debekua ezartzen du.

b.      29. Artikuluan, eta ikasleen adinari dagokiolarik:

                                I.      Lehen Hezkuntzan dekretu honetan ezarritako betebeharretako bat betetzen ez bada, irakasleek jokabide desegokia zuzendu beharko dute horretarako ezarri diren neurrietako bat berehala eta ahoz baliatuz. Neurri horiek aplikatu behar dira pertsonek edota objektuek balizko kalteak jaso ez ditzaten behin-behineko neurri ezarrien aurka egin gabe.

                             II.      Salbuespen gisa, ikaslearen jokabidea ikastetxeko bizikidetzarentzat larriki kaltegarria izan daitekeenean, eta jokabide hori ikaslearentzat edota hezkuntza komunitateko gainerako kideentzat arriskutsua bada, zuzendariak ohiko prozedura erabili eta dekretu honetan jokabide horiek zuzentzeko ezarri diren neurriak aplikatu ahal izango ditu, betiere, Hezkuntzako Ikuskaritzari aurrez jakinarazpena igorriz.

c.       Dena den, eta kasu guztietan, lehenengo neurri hezitzaileak hartuko dira, haien ondorioak aztertuko dira eta prozesu osoa idatziz jaso beharko da.

40. artikulua. Jokabide desegokiak

1.  Jokabide desegokitzat arestian aipaturiko Dekretuaren 30. artikuluan aipatu direnak hartuko dira.

2.      LEGARDA HLHIan, arestian aipaturiko Dekretuan jaso denaren arabera, ikaslea une horretan babespean duen irakasleak zuzenduko ditu jokabide desegokiak. 

3.      Ikaketaburuak  bideratuko du jarraitu beharreko prozedura. Prozedura hori indarreko arauekin eta Elkar bizitza planarekin bat etorriko da beti. Era berean, jokabidea zuzentzeko ahozko ohartarazpena baino zerbait gehiago aplikatu behar bada tutoreari komunikatuko zaio. Gertaeran parte hartu duten ikasleek tutorearen aurrean imprimaki bat beteko dute zeinetan gertatutakoa azalduko duten eta irtenbide bat proposatuko dute. Dokumentu   gorde eta erregistratuko da Ikasketa Buruaren bulegoan, tutoreak kopia duelarik.  Tutoreak familiei komunikatuko dizkie  ekintza hauen berri.

41. artikulua. Bizikidetzaren kontrako jokabideak

1.      Bizikidetzaren aurkako jokabideak Eskubideen eta Betebeharren Dekretuko 31. artikuluan aipatzen direnak dira.

4.      Bizikidetzaren aurkako jokabiderik hautematen duen irakasleak, lehenik, aurkako jokabidea izan duen ikaslea ahoz ohartaraziko du. Ondoren, ikasketaburuarengana eramango du ikaslea, gertakarien eta jokabide okerra zuzentzeko berehala egin duenaren berri emango dio eta arazoa Elkarbizitza Planean adostutako arauak jarraituz bideratuko da. Gertaeran  parte hartu duten ikasleek Ikasketa Burua/Zuzendariaren aurrean imprimaki bat beteko dute zeinetan gertatutakoa azalduko dute eta Ikasketa Buruak, zein Tutoreak onartu ala zuzenduko duten erreparazio bat proposatuko dute.. Dokumentu hau erregistratu eta gordeko da Ikasketa Buruaren bulegoan, tutoreak kopia duelarik. Tutoreak familiei komunikatuko dizkie  ekintza hauen berri.

42. artikulua. Bizikidetzari kalte larria eragiten dioten jokabideak

1.      Bizikidetzaren aurkako jokabideak Eskubideen eta Betebeharren Dekretuko 31. artikuluan aipatzen direnak dira.

2.  Bizikidetzaren aurkako jokabiderik hautematen duen irakasleak, lehenik, aurkako jokabidea izan duen ikaslea ahoz ohartaraziko du. Ondoren, ikasketaburuarengana edo haren ordezkoarengana lagunduko dio. Azkenik, ikasketaburuak eta zuzendariak zehaztu duten prozedurari jarraiki, gertakarien eta jokabide okerra zuzentzeko berehala egin duenaren berri emango du. Gertaeran  parte hartu duten ikasleek Ikasketa Burua/Zuzendariaren aurrean imprimaki bat beteko dute zeinetan gertatutakoa azalduko dute eta Ikasketa Buruak, zein Tutoreak onartu ala zuzenduko duten erreparazio bat proposatuko dute.. Dokumentu hau erregistratu eta gordeko da Ikasketa Buruaren bulegoan, tutoreak kopia duelarik. Tutoreak familiei komunikatuko dizkie  ekintza hauen berri.

43. artikulua. Bizikidetzaren aurkako jokabideak eta hari kalte larria eragiten diotenak zuzentzeko prozedura

Bizikidetzaren aurkako jokabideak eta hari kalte larria eragiten diotenak zuzentzeko, abenduaren 2ko 201/2008 Dekretuan aurreikusi dena aplikatuko da. Gatazka ebazteko, 201/2008 Dekretuko III. kapituluan aurreikusi diren aukerako bideak erabili behar dira. CEIP LEGARDA HLHI eskolak, hori kontutan izanik modu zehaztuan  klasifikatu ditu jokabide desberdinak eta haiei emango zaien erantzuna.

IV KAPITULUA. IKASTETXEKO BEREZKO ARAU BATZUK

44. artikulua. Ikasleriaren sarrera-irteerak

1.       Ikasleriaren sarreran, irakasleek hartuko dituzte talde guztiak ikasturte bakoitzerako markatzen den lekutan. Garraiatutako ikasleak haien laguntzaileekin itxarongo dute markatutako lekutan eta, besteak sartzean, haien zikloari dagokion araua jarraituko dute.  

2.       Irteeran, Haur Hezkuntzako eta Lehen Hezkuntzako Lehen Zikloko irakasleriak ikasleak haien guraso edo tutoreen eskuetan utziko dituzte eskolako atarian. Bigarren Zikloko ikasleak atariraino lagundurik izango dira non bere guraso tutoreak hartuko dituzten. Hirugarren Ziklokoak bakarrik irtego dira geletatik kaleraino. Garraioko ikasleak txirrina jo eta, asko jota, bost minututan egon beharko dute autobuseko laguntzailea itxaroten dituen lekuan.

3.       Haur Hezkuntza eta Lehen Hezkuntzak irakasleek beti jakin behar dute nor den ikasleak hartzeko baimendurik dagoen pertsona. Familiek pertsona hori aldatu beharrean aurkitzen badira, nahiz eta egun baterako izan, idazki baten bidez jakinarazi behar diote tutoreari.Agenda ere erabili ahal izango da.  Lehen Hezkuntzako 4. mailatik aurrera guraso/tutoreek ikasleak etxera bakarrik joan daitezen  baimen bat izenpetu ahal izango dute.

4.       Ikasleren batek markatutako orduetatik kanpo irten beharko balu, baimendutako pertsona nagusi bat aurkeztu beharko litzateke beti idazkaritzan. Ikastetxeko langileren batek ekarriko du ikaslea idazkaritzara.  Bere bila etorri den pertsona nagusia ez da inoiz gelaraino sartuko ikasleren bila.  Eta ikasleren bat berandu etortzean, guraso edo tutoreak Idazkaritzara eraman beharko du eta ez gelara zuzenean. Idazkariak edo eskolako beste langileren batek eramango du ikaslea bere gelara.

45. artikulua. Ikasleen ez etorreren justifikazioa.

Irakasleek derrigorrez kontrolatu behar dituzte ikasleen hutsegiteak eta Tutoreen ardurapean dago ikasleen hutsegiteez arduratzea

Ikasleak ez datozenean eskolara haien falta justifikatu beharrean daude. Horretarako, familiak idatziz eta guraso-tutoreren batek izenpeturik, komunikatuko dio tutoreari faltaren arrazoia. Bertan faltaren datak, arrazoiak eta izenpetze datak argi egon beharko dute. Faltak erregistratuta egon behar dira.

 Faltaren bat justifikatu gabe dagoenean  familiengana hutsegite hauen berri lehenbailehen hel dadin erarik egokiena hartuko da. ( Telefono, bilera...). Errepikatzen badira Zuzendaritzan jakinaraziko da eta beste bide batzuk hartuko dira. Justifikatu gabeko hutsegiteak Zuzendariari komunikatuko zaizkio, zeinek txosten baten bidez, Ikuskaritzara bidaliko ditu.

46. artikulua. Informazio eta komunikaziorako teknologien erabilpena

1.       Gaur egun informazio eta komunikaziorako teknologien erabiltzea oso arrunta da gure artean. Eskolan ere joera hori nabaritu dugu eta, horregatik, gero eta handiagoa da teknologia horiek daukaten presentzia geletako eguneroko bizitzan Dena den, Internet oso fenomeno aldakorra denez eta zenbai arrisku ere aurkezten duenez, ikasleek, gelako zereginetan barruan, eremu birtual batean lan egin behar dutenean, eta horretan datu pribatuak erabili behar direnean, familiari eskatu behar zaio baimen idatzia eta berezia. Baimen horrek ikasturte bateko iraupena izango du eta ekintza horretarako bakarrik balio izango da. Honekin erlazionatutako ekintzen artean hurrengoak aipatu ditzakegu: posta elektronikoa, geletako blogak, google kontuak edo antzeko zerbitzuak, eskolako web orriak, haietan edo beste web zerbitzu batetan eskegi daitezkeen argazki, bideo ala grabaketak, ... Dena den, emandako baimena betiere baliabide horren erabilera akademikoaren menpe egongo da. Ikasleren baten guraso-tutoreek baimena ez ematekotan, irakasle tutoreak eduki beharko du kontutan.  Honez gain, pribatasuna mantentzeko, ikasleen informeak  bai ordenadoreetatik, bai saretik ikasturtea amaitzean kendu egingo dira. Tutore bakoitza arduratuko da berak ipini dituenak kentzeko. Aldi berean, datu pertsonalak dituzten informeak, txostenak edo edonolako informazioa  re.

2.       Eskola 2.0 programa barruan erabiltzen diren ordenadoreak ezin izango dute eskolatik irten. Noizbait irtengo balira eskolako lan akademikoen eremu barruan izango litzateke eta irakaslegoaren zuzeneko kontrolean. 

3.       Sakelako telefonoa ezin izango da erabili eskolako ordutegi barruan, ez eskolan, ez eta ekintza osagarrietan ere. Gertatu ezkero, eskolako edozein langilek telefonoa hartuko du eta Zuzendaritzara eramango du ikaslearen irakasle-tutoreari horren berri emanez. Telefonoa, ikaslearen familiari baino ez zaio bueltatuko. Horretarako gurasoak edo tutoreak Zuzendaritzan aurkeztuko dira. Ez dira ekarriko telefonoa daukaten erlojuak, smartwatch deritzonak, ekarri beharra badago, aurretik azaldutako arrazoiegatik, irteera ordurarte gordeta mantenduko dira. Familiak edo tutore legalek ekarri beharraren jakinarazpena idatziz egingo diote irakasle tutoreari. Tablet, eta kaskoen inguruan modu berean jokatuko da. Tresna guzti hauek beti ere ez badira eskatuak ekintza pedagokiko bat egiteko. Kasu honetangelan erabili beharra balego, ekintza amaitutakoan gelan utziko dira etxera joan arte.

4.       Eskari guztiak urtebateko iraupena izango dute eta irakasle tutore bakoitzak artxibatuta izango dute.

47. artikulua. Dirua

Eskolara ez da dirurik ekarriko. Ikasleren batek dirua ateratzen badu edota berarekin badabil, dirua kenduko zaio eta Zuzendaritzara eraman ikaslearen irakasle-tutoreari horren berri emanez. Dirua, ikaslearen familiari baino ez zaio bueltatuko. Horretarako gurasoak edo tutoreak Zuzendaritzan aurkeztuko dira.

48. artikulua. Eskolaz kanpoko ekintzetan parte hartzea

Eskolaz kanpoko ekintzetan parte hartzea borondatezkoa da eta ordaindu behar da bere kuota. Ordaindu ezean, ekintzetan parte hartzearen eskubidea galduko da. 

49. artikulua. Ekintza osagarriak.

Ekintza osagarriak eskolako urteko planaren barruan eta maila bakoitzeko programaketan sarturik daude. Dena den, eskolak, bere funtzionamendurako duen aurrekontutik, ordaindu ezin duen gastua suposatzen dute. Horregatik, guraso-tutoreei ekintza hauei aurre egiteko beste diru eskatzen zaie, ordaindu beharreko gastuak, normalean, bidaiak, sarrerak, tailerrak eta ostatu izaten direlarik.

Ordainketa horien egin ezean, ikasleak eskolara etortzeko eskubidea dauka, baina ekintza osagarrira joateko eskubidea galtzen du.

50. artikulua. Eskola jantokiko arau bereziak

1.       Jantokiko gaitasuna mugatua denez, eskaera guztiak ezin direnean bete,sukaldeko ,  begiraleen grebak… hurrengo lehentasuna aplikatuko dira:

a.        Garraiatutako ikasleak

b.       Bekadun ikasleak.  Bai sukaldari edo begiraleen ratioa  mugatua denez honako lehentasunak kontutan izango dira:

                                                              i.      Haur Hezkuntzako maila bajuenetik hasita , eskaini ahal den mailara arte.

c.       Integrazioarako zailtasunak dituzten ikasleak.

d.       Ikastetxeko langilera

e.       Beste batzuk.

Ikasleak, behin betikoak edo noizbehinkoak izango dira. Behin betikoen barruan garraiodunak eta ez garraiodunak daude.

NOIZ BEHINKAKO BAZKALTIARRAK- Jantokiko zerbitzua noiz behinka erabili nahi dituen bazkaltiarrak, Jantokiko Ardunadunari baimena eskatuko diote. Bere onarpena, jantokiko funtzionamentuaren aldaketa ta ezarritako ratioengatik  baldintzatuta dago.

1.       Jantokiko ordutegia 13:00etatik 15:00etara doa eta, behin ikaslea zerbitzuan egonda, zerbitzuko antolamendua ahalik eta hoberena izan dadin, ezin izango da eskolatik irten arrazoi puntuala, ustekabeko eta bereziren bategatik ez bada (medikuarengana joateko, etab...), betiere guraso-tutore batek etorrita eta kontrol/baimena orria jantoki arduradunaren aurrean izenpeturik.

2.   Aurreko arauak salbuespen batzuk ditu. Jardunaldi jarraia dauden egunetan, eta ikasle txikiek bazkal osteko loaldia ezin dutenez egin, Haur Hezkuntzako 2 urteko ikasleak irten ahal dira 14:00etan. Gauza bera Haur Hezkuntzako 3 urtekoentzat baina loaldia egiten duten artean. Egun guztietako loaldia kentzen zaienean eskubide hau desagertuko da.

3.   Azken honen osagarri gisa eta familien ordutegiak ez nahasteko posible den neurrian, jantokiko antolamendua ere babestuz, ikasle txiki baten bila( HH 2 edo 3 urtekoa) datozen guraso-tutoreek, lenehengo txandan bazkaltzen duen beste seme-alabaren bat badaukate, hori ere hartu ahal dute 14:00etan 

4.       Jankide guztiek menu bera jango dute. Menu edo dieta bereziak onartuko dira, janari- alergia edo antzeko arrazoiak direla medio, edo baita Hezkuntza Sailak onartutakoak edo medikua ofizialaren txostenak hala gomendatzen duenean. Txosten horrek honako  hauek zehaztu beharko ditu : jankideak janariekiko dituen alergia edo intolerantziak zeintzu diren, baita ustekabean  horietariko janariren bat hartuz gero, erabili edo jarraitu beharreko protokoloa .

5.       Bekadunek, Eusko Jaurlaritzak abisua eman bezain pronto, kuotak ordaintzeari utziko diote, eta ordaindutako kuotak itzuli egingo zaizkie banketxe itzultze agiriaren bidez, edo ordaindu gabeko zenbatekoa kendu egingo da.

6.       Aurreko urtean bekaduna izatea ez da berma izango uneko urteko kuotak hilero ez ordaintzeko..  Ordainketa ez dela ematen ikusten bada, 1. Hiruhilekoan kasuak kasu, familiari eskutiz bat bidaliko zaio informatuz:

a..AGINDUA, 2000ko martxoaren 22koa, Hezkuntza,Unibertsitate eta Ikerketa sailburuarena, Euskal Au-tonomia Erkidegoko unibertsitateaz kanpoko ikastetxe publikoetako derrigorrezko irakasmailetako etaHaur Hezkuntzako (2. zikloa) jantokiak arautzen dituen agindua oinarritzat hartuta eta berak dioenaren arabera.

                                                              i.       Aurreko urtean bekaduna izateak ez da berma izango uneko urteko kuotak hilero ez ordaintzeko.

                                                            ii.       jantokiko ordainketa ematen ez denean jantoki zerbitzua erabiltzeari utzi beharko dela adieraziko zaie.

b.Hau dela eta eskolako, indarrean dagoen legedia eta ikastexeko AJAkontutan izanda, OOGak onartuta, ordainketa egiteko eskatuko da eta zerbitzua erabiltzeari utzi beharko da.

7.       Bai jantokiko arduradunak, bai begiraleak ikasleen jarreraz, eta janariarekiko zerikusia duten gauzarik garrantzitsuenetaz informatuko dute (teléfonos, ohar...) eta hiruhilabetero informe bat bidaliko da.

8.       Haur Hezkuntzako ikasleen agendatan egunero jan dutenari eta zelan jan dutenari buruzko informazioa emango da.

9.       Jantoki zerbitzua ez bada ematen (grebagatik adibidez) egun hori ez da kobratuko

51. artikulua. Eskola garraioko arau bereziak

1.       Garraiatutako ikasleria autobusetako laguntzaileen ardurapean egongo dira zerbitzua irauten duen artean. Goizez, geltokian hartzen dutenetik irakasleen eskuetan uzten duten arte eta arratsaldez irteera ordutik geltokian guraso/tutoreen eskuetan uzten duten arte.

2.       Geltokian, ikasleak pertsona nagusi erantzule eta ezagun baten eskuetan utziko dira. Pertsona hori aldatzerik espero bada guraso/tutoreek autobuseko laguntzaileari jakinarazi beharko diote aurretik eta idatziz.

52. artikuloa. Ikas materialen programari buruzko arauak

Urtero aplikatuko da Hezkuntza Sailak bidaltzen dituen arauak, epeak eta partideei buruz.

Hortaz aparte ikasturte bat bukatu baino lehen, hurrengo ikasturterako gurasoei, liburu eta ikasmaterialen zerrendaren berri emango zaie, horretan zein material erosi behar duten zehaztuz.

Hala ere ikasturtearen buruan Eskola Kontseiluko Liburu Batzordeak dauden liburuen egoera aztertuko du eta dagozkion erabakiak hartuko ditu, haien artean zein ikaslek ordaindu behar duen  liburu eta materialak bereziki apurtzeagatik edo galtzeagatik. Irakasle tutoreek  aldez aurretik  materialak eta liburuak aztertuko dituzte Liburu Batzordeari haien geletan dauden liburuen inbentarioaz gain kasu zehatzak aurkeztuz.

Batzorde horretan ere hurrengo ikasturterako zein materiale erosi behar diren aztertu eta erabakiko da.

53. artikulua. Botika eta osasun tratamenduen aplikazioa:

2005eko azaroaren 29ko Gobernu Kontseiluak osasun arazo bereziak aurkezten dituen ikasleak tratatzeko programa bat aprobatu zuen. Besteak beste, hurrengo urratsak dituen protokolo bat eratzen da:

1.      Guraso/tutoreek, behin ezagutu ikasleak duen osasun arazoa, osagileak idatzitako zertifikatu bidez komunikatuko dio ikastetxeko zuzendaritzari. Zertifikatu horretan arazo konkretua agertuko da hala nola eskolako ordutegian eman behar den laguntza eta bere motak: ekintzak zein dosiak botikarik eman bahar bada.

2.      Ikastetxeko zuzendaritzak eskolako “prestatuta” dagoen langileriari aurkeztuko die arazoa eta haiek medikuak esandako tratamenduan lagundu ahal izango dute ala ez. Horretarako guraso/tutoreek idatzizko baimena emango dio bere burua eskeini duen pertsonari zeinetan lan horretan erantzukizun guztia kentzen dion.

3.      Ikastetxeko zuzendaritzak ezin ba du eskolako errekurtsoekin arazoa bideratu, Osasun Eskualdeko Zuzendaritzarekin jarriko da harremanetan eta honek erabakiko du zer egin kasu horretan osasun laguntza emateko. Erantzunik ezean 112 telefonora deituko da.

Dena den, eta orokorrean, edozein ikasle bati edozein botika eman ahal izateko, beti medikuaren preskripzioa eta dosia aurkeztu beharko da. Horrez gain idazkaritzan eskuragarri egongo den inprimaki bat sinatu beharko da zeinetan irakasleari medikazioa emateko baimena eta erantzukizun guztia kentzen zaion.

Baimen hau ikastetxeko langileria osoarentzat izango da botika bizitza mantentzeko erabili behar denean larrialdi batetan. Dena den betiere, medikuaren preskripzioa, zein eman behar diren baldintzak botika hori erabili behar izateko oso argi egon behar du idatzirik.

Botikaren bat ematerakoan, ezinbestekoa den kasuetan, pausu hauek jarraituko dira, bai ikasgelako

orduetan, bai jantoki orduetan.

●     Medikuaren agiria..

●      Ikaslearen izena.

●     Botikaren izena.

●     Tratamendua: Zenbatero, noiz arte eta zelan.

●     Gurasoak sinatutako agiria irakasleri baimena emateko

 54. artikuloa. Heziketa fisikoan higiene atala.

Konpetentzia espezifikoen artean, Heziketa fisikoko ebaluazio adierazleetan oinarrituz, Higienearen itema ebaluatua izateko ikasleek LH1zikloan kamiseta aldaketa egindo dute saioa bukatzean eta LH2.eta LH3.zikloan saioa bukatuta ikasleek dutxa hartuko dute biluzik. Hauek betetzeak dagokion itemean eragina izango du.

55. artikuloa. Irakasleen  gastuak.

Irakasleren batek bilera, mintegi edo ikastaroren batetara joan behar duenean, bere lanpostuak hala behartzen duelako edo eskolak eskatzen diolako, desplazamenduko kilometroak, kotxea erabili ezkero, edo garraioaren ordainketa kobratzeko aukera izango du. Bazkaltzen geratu beharra badu, bazkaria ere ordainduko zaio, beti ere eguneko menú normal baten prezioa.

Modu berean jokatuko da eskolak, irakasle bati formakuntzaren batera joateko eskatzen badio gero eskolan hori zabaltzeko konpromezua egno behar delarik. 

Arau hau ez da aplikatuko irakasleriak, bere kabuz, formakuntza eskatzen duenean edo beste edozein bileraren batera doanean. Kasu honetan, baimena jasotzekotan,  irakasle interesatuak bere kontura ordaindu beharko ditu gastuak.

56. Irakasleak ekintza osagarrietan.

LOEko  III. TITULOAN, II.KAPITULOKO 91.f artikuluak esaten du, irakasleek ikastetxeak programatutako jarduera osagarriak  sustatzea, antolatzea eta haietan parte hartzea dutela funtzioetariko bat, bai  ikastetxearen barruan, bai  kanpoan.

Eskolatik kanpo egunak pasatzen badira, gauak barne, egunetako konpentsazioa egongo da. Ikasturte hasierako ebazpenak horrela ebazten duen bezala.

CEIP LEGARDA HLHI ikastetxeak, Klaustro moduan eta OOGn onartutako akordioan honako konpentsazioa izango da ekintza konplementarioetan gaua tartean dagoenean:

a) Kanpoan emandako lehenengo gauagatik egun bat libre hartzea ikasleekin batera (bakarrik ostiralean bukatzen badute astelehenean ikasleak etorri beharko lirateke) eta kanpoan pasatzen diren beste gau hartu ahal izango ditu egun libre irakasleak, topea 3 egun direlarik. 4 gau pasatzen badira kanpoan laugarrena egun ez lektiboa hartu ahal izango dute irakasleek. Egun libre hauek hartzeko Zuzendaritzarekin adostuta izan beharko lirateke. Honen barruan modu honetan zehazten dira :

●     Gau 1 – egun 1, 2 gau – 2 egun, 3 gau – 3 egun, 4 gau (Barnetegiak) – 4 egun, baina laugarrena egun ez lektiboetatik hartuz (eskolan ikaslerik ez daudenean).

●     Irteera bukatzen duenaren ondorengo eguna lektiboa denean, aste berekoa, egun horretan ez dira eskolara etorriko ez irakasleak, ez ikasleak. Irakasleek libre hartuko dituzten beste egunak (kasu hori bada) Zuzendaritzarekin adostuko dute, kontutan izanik ezin izango dutela irakasle guztiek egun bera libre hartu antolamendu arazoengatik.

●     Irteera ostiralean bukatzen denean, ondorengo astelehenean, ikasleak eskolara etorriko dira eta irakasleek libre hartu beharko dituzten egun guztiak Zuzendaritzarekin adostuko dute, kontutan izanik, kasu honetan ere, ezin izango dutela irakasle guztiek egun bera libre hartu antolamendu arazoengatik.

●     Irakasle bat beste baten ordez doanean irteera batera, berak eukiko du egunak libratzeko eskubidea.

●     Klaustro osoak  hartzen du konpromisoa konpensaziorako libratzen diren egun hauek kubritzeko.

b) Bai Klaustroan eta OOGn adostutako akordio hau ikasturte bakoitzean errebisatuko da.

57. artikulua. Erlijio Hezkuntzaren aukera.

Familiek ikasle bat lehenengoz matrikulatzen dutenean ikastetxe batetan erlijio hezkuntzari buruzko aukera bat egiten dute. Aukera hau, kontrakorik esaten ezbada, ikaslea eskolan dagoen urte guztietan mantentzen da. Dena den, urtero,  matrikula garaia pasatu eta gero, eta ikasturtea bukatu baino lehen, familiek haien seme-alabentzako planifikatutako erlijio ikaskuntzen aldaketa eskatu ahal izango dute hurrengo ikasturterako.

Eskolatik, bigarren hiruhilabetean, zirkular bat bidaliko da eskaera hau egiteko epea noiz den zehazten. Aldaketa hauek eskolako eta Hezkuntza Saileko plangintzan eragina daukatenez, ezin izango dira egin epe honetatik kanpo. 

58. artikulua. Ikasle taldeen antolamendua

Maila oso bat antolatu behar denean, bai 2 urtetako gelak antolatzeko, zein beste edozein momentutan mailako antolamendua birplanteatu behar denean (mailako talde kopurua aldatzen delako edo eta beharrezkotzat jotzen denean arrazoi pedagogikoengatik) hurrengo urratsak  jarraituko dira:

●     2 urteko gelak antolatzeko: Ikasketa Burua, Aholkularia eta adin horretan lan egingo duten irakasleak bildurik eskolan adostutako erizpideen araberan antolatuko dute. Noizbait dauden erizpideak nahiko ezbadira, haiek hartuko dute erabakia.

●     Beste kasu guztietan ikasleekin egon den irakasle taldea, Aholkularia eta Ikasketa Burua bildurik, haien talde eta ikasleen ezagutza eta eskolako erizpideak kontutan izanik talde berriak eratuko dituzte.

●     Dena den, beste aldaketarik izan ez bada ikasle talde batetan, LH3ra pasatzen direnean talde guztiak nahastuko dira talde berriak sortuz

●     HH 2-3 amaitu eta gero nahasketarik egon ezbada, 4 urtera pasatzerakoan.

Antolamendu lan hauek Ekainean egingo dira, ikasturtea bukatu eta gero.

 59. artikulua. LHko ikasleentzako material didaktikoei eta curriculuma garatzeko baliabideei laguntzekoprograma. ( Liburu programa)

Hezkuntza Saila eskola-materialak kudeatzeko eredu berri bat garatu du ikastetxe bakoitzaren ezaugarriak eta egoera errespetatuz, epe jakin batean ikasleek Oinarrizko Irakaskuntzaren curriculumean oinarrizko gaitasunak eskuratzea lortzeko.

Hezkuntza Saileko material didaktiko eta curriculuma garatzeko baliabideei laguntzeko programak.

Material didaktikoek eta curriculuma garatzeko baliabideek zenbait ezaugarri eta baldintza bete behar dituzte, ikasleen irteera-profilean zehaztutako funtsezko konpetentziak lortzeko. Hori dela-eta, honako hau gogoratzea komeni da:

a) Material didaktikoak dira ikasleei eta irakasleei irakaskuntza- eta ikaskuntza-prozesuen

plangintza, garapena eta ebaluazioa egiten laguntzeko lantzen diren mota guztietako materialak. Ikasmaterialak modu malguan erabili behar dira, inguruneko baldintzetara eta ikasleen ezaugarrietara egokituz.

b) Material didaktikoek bat etorri behar dute Hezkuntza Proiektuan proposatutako

hezkuntza-eredu pedagogikoarekin.

c) Material didaktikoak editatzeko eta aukeratzeko ez da behar Hezkuntza Sailaren

baimenik. Nolanahi ere, zorroztasun zientifikoa eta hizkuntza egokitu behar zaizkio ikasleenadinari eta curriculumari. Lege-ordenamenduko printzipioak, balioak, askatasunak eta betebeharrak ere agertu eta sustatu behar dira, eta diseinu unibertsalaren eta irisgarritasunaren ezaugarriak bete.

d) Ikastetxeek autonomia dute curriculumaren garapenerako materialak eta baliabideak

sortzeko eta hautatzeko, arautegiari jarraituz. Dena dela, irisgarriak izan behar dute, bai

ezgaitasun fisiko, sentsorial edo intelektualen bat duten ikasleentzat, bai ikasteko beste zailtasun batzuk dituztenentzat.

e) Ikasgai bakoitzaren curriculuma garatzeko materialak eta baliabideak askotarikoak izan daitezke, tradizionalak ez ezik euskarri askotarikoak ere bai, ikasleen artean denetariko eta jatorri askotako iturrien bilaketa kritikoa sustatzeko. Ildo honetan, material eta baliabide digitalak ezinbestekoak dira jada ikastetxeetan, eta irakaskuntza-jarduera arruntaren parte izan behar dute.

f) Erabiltzen diren material didaktikoetan, hezkidetza-helburuak azalduko dira. Bestalde,hizkuntza ez da modu sexistan erabili behar, eta irudietan emakumeen eta gizonen presentzia orekatua eta estereotipatu gabekoa bermatu behar da. Dena dela, 1/2023 Legegintzako Dekretua, martxoaren 16koa, Euskal Autonomia Erkidegoko

Emakumeen eta Gizonen Berdintasunerako eta Bizitza Libreetarako Legeak

debekatu egiten du pertsonek sexu batekoa edo bestekoa izateagatik duintasun gehiago edo gutxiago dutela edo sexu-objektu soilak direla adierazten duten testu-liburuak edo material didaktikoak zabaltzea eta erabiltzea, bai eta emakumeenganako indarkeria justifikatu, horri garrantzia kendu edo horretara bultzatzen dutenak ere. Era berean, aniztasun familiarra eta afektibo-sexuala agertu behar da curriculum materialetan, gainerako errealitate kulturalak, etnikoak...

g) Ikastetxe publikoetako Pedagogi Koordinaziorako Batzordeari dagokio irizpide

pedagogikoak ezartzea irakaskuntzak garatzeko erabili behar diren curriculum garapeneko materialak eta baliabideak zehazteko.

h) Hezkuntza Sailak plataforma digital batzuk garatu ditu, hezkuntza-komunitate osoari

eskaintzeko, jabetza intelektualaren arautegia betez. Plataforma horietako materialak eta

baliabideak honako irizpide hauen arabera hautatuko dira: kalitate metodologikoa, estándar irekiak, eta hedatu, egokitu, berrerabili eta birbanatu ahal diren iturriak eskura jartzea.

i) Hezkuntza Ikuskaritzari dagokio ikastetxeek beren pedagogia-autonomia erabiliz

curriculuma garatzeko aukeratutako materialak ikuskatzea, ikaskuntzako eta irakaskuntzako elementu guztiak ikuskatzeko ohiko prozesuaren barruan.

1.- LEGE-OINARRIAK. Programak oinarri hauek izango ditu: ebazpen hau eta Hezkuntza Sailak programa hau kudeatzeko eta garatzeko sortuko dituen aginduak. Gainontzeko arau aplikagarriak betetzeari utzi gabe, batez ere honako araudi hauek beteko dira:

· 196/1998 Dekretua, uztailaren 28koa, ikastetxe publikoen kudeaketa ekonomikofinantzarioa arautzen duena, apirilaren 5eko 67/2005 Dekretuaren bidez aldatzen dena.

· 2006ko urriaren 18ko Agindua, Hezkuntza, Unibertsitate eta Ikerketetako sailburuarena, ikastetxe publikoen sarreren eta gastuen aurrekontu egoera banatzen dituena eta 196/1998 Dekretuaren eranskinak eguneratzen duena.

· 1/2023 Legegintzako Dekretua, martxoaren 16koa, Emakumeen eta Gizonen Berdintasunerako eta Emakumeen aurkako Indarkeria Matxistarik Gabeko Bizitzetarako Legearen testu bategina onartzen duena.

· Emakumeen eta gizonen berdintasun efektiboari buruzko martxoaren 22ko 3/2007 Lege Organikoa.

· 77/2023, maiatzaren 30ekoa, Oinarrizko Hezkuntzaren curriculuma zehaztu eta Euskal Autonomia Erkideagoan ezartzekoa.

Era berean, programa hau Garapen Iraunkorreko Helburuekin (GJH) lotzen da, zehazki, honako helburu hauekin: kalitatezko hezkuntza (4. helburua), genero-berdintasuna (5. helburua) eta kontsumo eta ekoizpen arduratsua (12. helburua).

2.- PROGRAMAREN XEDEA ETA APLIKAZIO-EREMUA.

Zentroak erabiltzen dituen material didaktikoak eta curriculuma garatzeko baliabideak dira programaren xede, inprimakiak edo euskarri digitalean, bai eta material horiei lotutako lizentzia digitalak ere, eta irakaskuntza- zein ikaskuntza-prozesuak planifikatzeko,garatzeko eta ebaluatzeko orduan ikasleei eta irakasleei laguntzeko helburua dauka.

Lehen Hezkuntza eta Derrigorrezko Bigarren Hezkuntza 1. eta 2. maila

ematen duten Eusko Jaurlaritzaren titulartasuneko ikastetxe publiko guztiak sartuko dira

programan.

Programa hiru lerroren bidez finantzatuko da:

a) Inprimatutako materiala berrerabiltzea.

b) Material didaktikoa eskuratzea, edozein formatutan.

c) ikasle guztiek erabiltzeko curriculum-materiala, edozein formatutan.

3.- MATERIALAK ETA BALIABIDEAK ZEHAZTEKO IRIZPIDEAK

Material didaktikoa eta curriculuma garatzeko baliabideak inprimatuak zein edizio digitalean izandaitezke.

3.1. Inprimatutako material didaktikotzat hartzen dira ikasleek erabiliko dituzten eta Euskal Autonomia Erkidegoan hezkuntza-maila, -ziklo edo -etapa bakoitzean dagokion arlo, -gai, -modulu edo -arlorako indarrean dagoen araudian ezarritako curriculuma osorik garatzen duten curriculumgarapeneko baliabideak.

Ez dira material didaktiko inprimatutzat hartuko testu-liburuei lotutako baliabideak, baldin eta, beren izaeragatik, ikasleek hurrengo ikasturteetan berrerabili ezin badituzte.

Inprimitutako material didaktikoa ez du izango manipulazioa dakarten ikasleen lan pertsonalerako atalik, ez eta haietan idazteko edo marrazteko berariazko tarterik ere, Lehen Hezkuntzako eta Hezkuntza Bereziko Lehen eta Bigarren mailetarako direnak izan ezik.

3.2. Material didaktikoa, edizio digitalean, ikastetxeetan instalatutako softwarera egokituko da, eta, horrela, ikastetxeetan dauden informazio-teknologiekin bateragarri dela bermatuko da. Online banatutako formatu digitaleko material didaktikoek laguntza-materiala izan beharko dute, Interneterako konexiorik gabe lan egiteko aukera emango duena, ikasleek arlo, gai, esparru edo modulu bakoitzerako ezarritako curriculumeko jarduerak gara ditzaten.

Atal honetan sartzen dira ikaskuntza-plataforma birtualak.

Koordinazio Pedagogikorako Batzordeak irizpide pedagogikoak ezarriko ditu ikastetxeak ematen

dituen irakaskuntzak garatzeko erabili behar diren curriculum-garapeneko materialak eta baliabideak zehazteko.

Material guztiek EAEn indarrean dagoen curriculum-araudian xedatutakora egokituta egon beharko dute, eta egiletza- eta edizio-eskubideak errespetatu beharko dituzte, jabetza intelektualaren arautegia betez erreprodukzio orok eskubideen jabearen berariazko baimena izan dezan zainduz.

4.- PROGRAMAREN KUDEAKETA

Ikastetxeak berak kudeatuko du Programa, «material didaktikoei eta curriculuma garatzeko baliabideei kudeaketa» kontzeptupean. Programa ikastetxearen urteko kudeaketa-planean barneratuko da eta ikastetxe publikoek kudeaketarako duten autonomia markoaren barruan.

Ikastetxeko Ordezkaritza-Organo Gorenari (OOG) dagokio:

1) Programaren antolaketarako eta funtzionamendurako ildoak onestea.

 2) Programaren funtzionamendurako arautegia onestea; ikastetxearen antolaketarako eta funtzionamendurako arautegiaren parte izatera pasako da.

3) Programaren funtzionamendua ikuskatzea.

4) Programaren kudeaketa ekonomikoa material didaktikoei eta curriculuma garatzeko baliabideei erabileragatiko ekarpena ordaintzeko modua onartuz, indarreko legerian ezartzen diren modalitateekin bat etorriz.

5) Familiartekoei ikastetxeak maila bakoitzean erabiliko dituen material didaktikoei eta curriculuma garatzeko baliabideen berri ematea.

6) Ebazpen honen xede diren material didaktikoak eta curriculuma garatzeko baliabideak eskuratzeko prozedura eta lekuak proposatzea.

7) Programaz arduratuko den ikastetxeko batzordearen sorrera onartzea.

8) Programa behar bezala gauzatzeko beharrezko diren bestelako funtzioak eta indarreko legeriak agintzen dizkionak.

Programaz arduratzen den ikastetxeko batzordeak honako kide hauek izango ditu, gutxienez:

a) OOGko presidentea edo berak eskuordetzen duen beste edozein pertsona.

b) Ikastetxeko idazkaria; batzordeko idazkari-lanak beteko ditu.

c) Ikasleen gurasoen bi ordezkari. Horietako batek OOGko kidea izan behar du eta organo horrek proposatuta aukeratu behar da; bestea, berriz, Ikasleen Gurasoen Elkarteak proposatuta aukeratu behar da.

d) Lehen Hezkuntzako ziklo-koordinatzaileak edota Bigarren Hezkuntzakoa.

Hauek dira ikastetxeko batzordearen funtzioak:

a. OOGri bidaltzea Pedagogi Batzordeak prestatutako duen zerrenda, hau da, agindu honen xede diren material didaktikoak eta curriculuma garatzeko baliabideak osatutakoa, ikastetxeak maila bakoitzean erabiliko dituenenak.

b. Agindu honen xede diren material didaktikoak eta curriculuma garatzeko baliabideak eskuratzeko prozedura eta lekuak proposatzea. Guraso-elkarteak hala eskatzen badu, Batzordeak euren esku utz dezake aipatutako prozeduraz arduratzea.

c. Familiei emango zaizkien material didaktikoei eta curriculuma garatzeko baliabideei zerrenda gainbegiratzea.

d. Materialak eta baliabideak erabiltzeagatik familiek egin ditzaketen ekarpenei buruz indarreko legerian ezarritakoa betetzen dela kontrolatzea.

e. Uko egite indibidualak jasotzea.

f. Programaren helburuak betetzea, ebaluatzea eta OOGri hobekuntzak proposatzea.

g. Programako materialak eta baliabideak babesteko eta zaintzeko, erregistratzeko eta identifikatzeko eta urtero berrikusteko prozedura zehaztea.

h. Baldin eta materialak eta baliabideak ez badira itzultzen edo ezin badira berrerabili ikasleak ez dituelako behar bezala zaindu, haiek ordaintzea eskatu zaio arduradunari. Hori egiteko prozedura ikastetxeko antolamendu- eta funtzionamendu-araudian jasoko da.

i. Proposatu OOGri, ikastetxeko antolamendu eta funtzionamendu araudian jasotzeko, zein neurri hartuko diren arduradunak eskatu zaion dirua ezarritako epean ordaintzen ez badu, hau da, materialak eta baliabideak itzultzen ez badira edo, itzuli arren, ezin badira berrerabili, ikasleak ez dituelako behar bezala zaindu.

j. OOGk, indarreko legeria betez, programa garatzeko agintzen dion beste edozein funtzio.

5.- ERABILERA ETA ZAINTZA.

1.- Ikastetxeek honako hauek jasoko dituzte beren antolaketarako eta funtzionamendurako arautegian: ikasleen esku utzitako material didaktikoak eta curriculuma garatzeko baliabideak erabiltzeko eta zaintzeko arauak; arduradunari dirua eskatzeko prozedura, material eta baliabide horiek galtzen baditu, edo ezin badira berrerabili behar bezala zaindu ez dituelako edo hondatuta daudelako, bai eta hartuko diren neurriak arduradunak eskatu zaion dirua ezarritako epean ordaintzen ez duenean.

2.- Berrerabil daitezkeen material didaktikoak eta curriculuma garatzeko baliabideak Hezkuntza Administrazioarenak izango dira, eta, ikasturtea amaitutakoan, ikastetxean bertan geratuko dira hurrengo ikasturtean berriz erabiltzeko, behin ongi zaindu direla eta hurrengo ikasturtean berriz erabiltzeko moduan daudela egiaztatuta; betiere ikastetxearen antolaketarako eta funtzionamendurako arautegiak ezartzen duena aintzakotzat hartuta.

6.- FINANTZIAZIOA

Honakoen bidez finantzatuko da programa:

6.1.- Hezkuntza Sailaren ekarpena:

35 € Lehen Hezkuntzako ikasle bakoitzeko.

103 € Derrigorrezko Bigarren Hezkuntzako 1. eta 2. mailako ikasle bakoitzeko.

Hezkuntza Sailak eman beharreko zenbatekoak aurrematrikularen datuetan oinarrituta kalkulatu dira,aurrekontu-ekitaldirako finkatutako aurrekontuaren muga kontuan hartuta. Benetako matrikula une honetan planifikatutakoa baino txikiagoa bada, ekarpenak gorantz aldatuko dira, aurrekontua gauzatzeko aukera ematen duen neurrian.

6.2.- Ikasle bakoitzaren ekarpena:

Programan parte hartzen duten ikasleek egin beharreko urteko banakako ekarpenak 2013ko uztailaren 10eko Aginduan ezarritakoak dira. Agindu horren bidez, Hezkuntza Sailak ematen dituen hezkuntza-zerbitzuen prezio publikoak ezartzen dira, eta nahitaez bildu behar dira.

Ikasleek urtero egin beharreko banakako ekarpenak honako hauek dira:

27 € Lehen Hezkuntzako 1. eta 2. mailetan matrikulatutako ikasle bakoitzeko.

30 € Lehen Hezkuntzako 3. eta 4. mailetan matrikulatutako ikasle bakoitzeko.

31 € Lehen Hezkuntzako 5. eta 6. mailetan matrikulatutako ikasle bakoitzeko.

Baliteke ikasturtean zehar ikasleren bat edo gehiago ikastetxea utzi eta beste batera joatea. Orduan, jatorrizko ikastetxeak ikasle horrek egindako ekarpenaren ordainagiria emango dio veste ikastetxe horretan erakuts dezan, eta, horrela, material berriak hartuko ditu bigarren ikastetxe horretan. Hezkuntza Sailak azken ikastetxe horri ordainduko dio ikasle horri dagokion dirukopurua. Halaber, Hezkuntza Sailak ikasturte amaieran kontuan hartuko ditu Programan egon diren aldeak ikasle-kopuruan.

Zentroko Ordezkaritza Organo Gorenak erabakiko du nola banatuko duen, zentroan ematen diren irakaskuntza-maila ezberdinen artean, ikasleek eta Hezkuntza Sailak emandako kopuruen guztizko batura, bai eta gastu-kontzeptuak zeintzuk izango diren ere, material didaktikoei eta curriculuma garatzeko baliabideei dagokienez.

Egindako gastuaren guztizko zenbatekoak lehen aipatutako guztizko batura gaindituko balu, zentroko Ordezkaritza Organo Gorenak ikertuko eta ezarriko lituzke zentroko ikasleen gaitasunak eta heziketa-proiektua garatzeko egokienak diren ordainketa formulak.

7.- FIDANTZAK DIRUTAN.

Finantza zuzendariaren 2011ko irailaren 23ko Ebazpenaren bidez (2011ko urriaren 28ko EHAA,205. zk.), Hezkuntza Sailaren mendeko ikastetxe publikoetako zuzendariei eskuordetzean emanzaizkie Programa honen bermeekin zerikusia duten zenbait eskumen. Eskumenak honako hauek dira: gordetzea, kudeatzea ematea eta itzultzea bermeak.

Ikastetxeetako Kudeaketa Ekonomikoaren Gidan ezarrita dago fidantzak biltzeko,

kontabilizatzeko eta, behar izanez gero, dirua berreskuratzeko prozedura.

8.- ESKURATZEKO PROZEDURA.

Ikasturtea hasi aurretik, ikasturtean zehar erabiliko diren material didaktikoei eta curriculumagaratzeko baliabideei zerrenda emango die ikastetxeak ikasleei; material horiek OOGkzehaztutako saltokietan erositakoak izango dira.

Materialak eta baliabideak aurrez adierazitako saltokietan edo hornitzaileetan jaso behar dira,ikastetxeko batzordeak ezarritako prozeduraren arabera.

Ikastetxeak urtero erosiko ditu hondatuta daudela-eta berrezarri behar diren materialak eta baliabideak, bai eta ikastetxeak berak materialak prestatzeko behar dituen materialak ere, halakorik prestatzen bada.

Ikastetxeen kontratazioa eta kudeaketa ekonomiko-finantzariorako autonomia arautzen dituzten arauetan ezarritako prozedurak errespetatu beharko ditu ikastetxeak.

9.- KUDEAKETA EKONOMIKOA.

Programaren kudeaketa ekonomikoa ikastetxearen kudeaketa ekonomiko-finantzarioan

barneratuko da, Euskal Eskola Publikoa osatzen duten ikastetxeen kudeaketa ekonomikofinantzariorako araubidea arautzen duen uztailaren 28ko 196/1998 Dekretuan (apirilaren 5eko 67/2005 Dekretuaren bidez aldatu zen) eta ikastetxeen diru-sarreren eta gastuen aurrekontu egoerak xehatzen dituen eta 196/1998 Dekretuaren eranskinen osaera eguneratzen duen 2006ko urriaren 18ko Aginduan ezarritakoari jarraikiz.

Dagokion Hezkuntza Delegaritzetako Presupuestoetako Zerbitzuak erantzungo ditu programaren inguruko diru kontuetako zalantzak.

10.- EBALUAZIOA ETA KONTROLA.

Hezkuntza Sailak Programaren funtzionamendu administratiboa eta ekonomikoa ikuskatuko ditu, gai bakoitzeko organo eskudunen bidez. Horrekin lotuta, Horrez gain, Hezkuntza Ikuskaritzak bere eginkizunak gauzatuko ditu.

Hezkuntza Sailburuordetzak beharrezkotzat jotzen dituen jarraibideak emango ditu Aginduhonetan ezarritakoa betetzeko.

Prestakuntza-ebaluazioaren eta kudeaketaren ikuspegitik begiratuta, Hezkuntza

Sailburuordetzak programa behar bezala garatzeko eta hobetzeko behar den informazioa

igortzea eskatuko zaie zentroei. Horregatik guztiagatik, ebazpen honen II.eranskina ikastetxeek entregatu beharko dute.

11.- UKO EGITEAK ETA BATERAEZINTASUNAK.

Ikasleren batek ez badu parte hartu nahi Programan, haren legezko ordezkariak ikastetxeari jakinarazi beharko dio. Horretarako, Ebazpen honen I eranskina bete eta ikastetxean entregatu beharko du.

Ikasturte batean Programan parte-hartzeak ez du derrigortzen urtebete baino gehiago egotera; hau da, ikasturtean ikasturteko erabakiko da Programari uko egin ala ez. Beraz, eranskin hura urtero bete behar da. Programan parte hartzeari espresoki uko egiten dion ikasleak ezin izango ditu jaso Hezkuntza Sailak unibertsitariak ez direnentzako ematen dituen diru-laguntzak eskola materialerako.beka horien barruan, gainontzeko diru-laguntzetara aurkezterik izango du. Agindu honetan araututako programan parte hartzea bateragarria da programa horrek helburu dituen materialak eta baliabideak eskuratzeko Hezkuntza Saila ez den beste edozein erakunde publikok edo pribatuk emandako edozein laguntza jasotzearekin, baldin eta laguntza horiek guztiak batuta ez badute gainditzen ikasleak ordaindu beharrekoa (ebazpenaren 6. atala).

III. TITULUA. ERRENDIMENDU AKADEMIKOAREN EBALUAZIO OBJEKTIBOA

60. artikulua. Printzipio orokorrak

Euskal Eskola Publikoari buruzko Legearen 16. artikuluan ezarritakoa betetze aldera, eta ikasleek beren errendimendu akademikoa objektiboki ebaluatua izatera duten eskubidea bermatze aldera, titulu honetan ezarri den berme-sistema ezarriko da. Sistema horrek ondoko printzipio hauek ditu oinarri: publikotasuna, informazioa eta gardentasuna.

61. artikulua. Publikotasuna

1.      Ikasketaburuak bermatu beharko du ikasleek nahiz legezko haien ordezkariek Ikastetxeko Curriculum Proiektua eskuratzeko duten eskubidea. Bertan arlo edo irakasgai bakoitzaren helburuak, edukiak eta berorietan landuko diren oinarrizko gaitasunak agertu behar dira. Honez gain  ziklo bakoitzaren bukaeran lortuta egon behar diren gutxieneko helburuak eta promozio irizpideak zeintzu diren ere.

2.      Ikasketaburuak, halaber, bermatu beharko du irakasleek publiko egiten dituztela, batetik, arloak edo irakasgaiak gainditzeko eskatuko diren gutxieneko edukiak eta promozio irizpideak, ebaluazio-prozedura nahiz irizpide aplikagarriak eta, azkenik, berreskuratzeak egiteko nahiz laguntza eskaintzeko aurreikusi diren prozedurak. 

3.      Ikasketaburuak ziurtatuko du informazio hori guztia ikasle adingabeen gurasoei edota haien legezko ordezkariei heltzen zaiela.

62. artikulua. Ikasleentzako eta guraso-tutoreentzako informazioa

1.      Ikasketaburuak bermatu behar du irakasleen eta ikasleen gurasoen edota ikasleen legezko ordezkarien arteko komunikazioa bitarteko arin eta egonkorren bidez gauzatuko dela. Zaindu behar du, halaber, ikasleen gurasoek edota ikasleen legezko ordezkariek irakaskuntzako eta ikaskuntzako jarduerei nahiz eskola-errendimenduari buruzko informazio osoa eskuartean dutela.

2.      Tutorearen betebeharrak bazter utzi gabe, irakasleek ikasleei edo ikasleen legezko ordezkariei aurreko puntuan aipatutako alderdi orori buruz eskatzen duten informazio osoa emango diete. Ikasketaburuak bermatu behar du irakasle guztiek eginbehar hori betetzen dutela.

3.      Ikasketaburuak ziurtatu behar du ikasleen irakasle-tutoreak beren taldeko ikasleen gurasoekin hiruhilekoan behin bilduko direla, gutxienez ikasturtean. Hala ere, eta beharren arabera bilera gehiago ere egingo dira. Bermatu beharko du, halaber, ikasleen gurasoen heren batek baino gehiagok eskatzen dituen bilerak egiten direla. 

4.      Aurreko puntuetan aipatu diren prozeduren bitartez igor daitekeen informazioaz gain, tutoreek ikasleen gurasoei edo legezko ordezkariei aipatu bileretan hitzartutako informazioa idatziz jakinaraziko diete, Urteko Ikastetxeko Planean ebaluazio-bilerak egiteko ezarri den gutxieneko aldizkakotasunez. Gainera, hartu behar diren neurriak hartuko dira informazioa jaso behar dutenek jasotzen dutela ziurtatzeko.

5.      Modu berean, ikasturteko azken ebaluazio-bileretan lantzen den informazioa igorriko du. Gutxienez, alderdi hauei buruzko informazioa emango da:

o     Etapako eta arloetako helburu nagusien betetze-maila.

o     Etapako edo irakasgaietako edukien barneratze-maila.

o     Nota partzialak edo ikaskuntzaren balorazioak.

o     Hezkuntza-neurri osagarrien aplikazioa, beharrezkoa izanez gero.

o     Tutoreak, irakasle taldearekin laguntzaz, hartutako eta idatzitako promozionatzeko ala maila berean geratzeren erabakia.

Txosten horiek, ikastetxean jasoko dira eta hurrengo zikloko edo kurtsoko irakaskuntza- eta ikaskuntza-prozesua orientatuko dute, irakasleek ikasgelako programazioak abiapuntu horretatik egokitu beharko dituztelarik. Honekin batera Hizkuntza Indartzeko Banakako Planak (HIBP), osotzeko ikasturte  amaieratan tutoreek txostenak beteko dituzte hurrengo ikasturtean ere hori abiapuntu bezala izateko.

63. artikulua. Zuzendutako lanak, probak eta ariketak berrikustea

1.      Ikasleek eta, hala egokituz gero, gurasoek edota legezko ordezkariek ikasleen errendimenduaren ebaluazioan eragina izango duten lan, proba eta ariketa guztiak ikusteko aukera izango dute. Behin ariketa guztiak zuzenduta eta nota jarrita, aipatu dokumentuen kopia edukitzeko eskubidea izango dute horrela eskatuz gero. Azterketa edo froga originalak ez dira eskolatik aterako etxeetara eramateko.

2.      Ikasketaburuak ezarriko du kopiak eskatzeko orriek bete behar duten prozedura. Horretarako kontuan hartuko da ahozko eskabideek ahozko erantzuna jasoko dutela eta, aitzitik, idatzizko eskabideek idatzizko erantzuna.

3.      Zuzenketa amaitutzat jotzeko ez da nahikoa izango kalifikazio kualitatiboa edo kuantitatiboa azaltzea; horrez gain, egindako akatsak edo hutsegiteak edo kalifikazioaren azalpen arrazoitua adieraziko da.

64. artikulua. Ariketa zehatzei jarritako kalifikazioen aurrean erreklamazioak egitea.

Ikasleek edo legezko beren ordezkariek, kalifikazioak jaso eta bi eskola-egun igaro aurretik, ahoz aurkez ditzakete alegazioak eta egindako lanak edo probak berraztertzeko eskatu ere.  Alegazioak edo eskabideak irakasleari aurkeztuko zaizkio. Irakasleak, egoki baderitzo, Batzorde Pedagogikoari aholkua eska diezaioke auzia ebazteko.  Horretarako, kontuan izango curriculum ofizialaz eta IIPz gain, didaktika-departamentuen programazioak, ikasgelako programazioak eta argitara eman diren kalifikazio-irizpideak lotesleak direla.

65. artikulua. Ebaluazio partzialen aurrean erreklamazioak egitea

1.       Ikasleek, ahoz zein idatziz, zuzenean edo irakasle tutorearen bitartez, irakaslearen aurrean ebaluazio-aldi bakoitzari dagozkion erreklamazioak egin ditzakete. Dagokion irakasleak erreklamazioei guztiei erantzun beharko die, idatziz egindakoei idatziz, eta ahoz egindakoei ahoz. Horretarako, aurreko artikuluaren azken paragrafoan zehaztutakoa hartu beharko du kontuan. Aurreko artikuluan bezala epea bi egunetakoa izango da.

2.       Erreklamazioa ezesten den kasuetan, ikasleek, ahoz zein idatziz, zuzenean edo irakasle tutorearen bitartez, Batzorde Pedagogikoa esku-hartzea eska dezakete. Honek, proposatutako azterketa programazioarekin bat ote datorren egiaztatuko du, baita departamentuan erabakitako irizpideak zuzen ezarri ote diren ere, eta erreklamazioa egin duen ikasleari, ahoz edo idatziz –erreklamazioa egin den modu berean– erantzungo dio.

3.       Ebaluazio partziala gauza arrunta denez, ezin izango da kalifikazioaren aurkako erreklamaziorik egin, nahiz eta irakasleak kalifikazioari eutsi departamentuaren irizpidearen aurka. Hala ere, irizpide hori kontuan hartuko da azken ebaluazioaren aurkako erreklamaziorik eginez gero erabakia hartzeko.

66. artikulua. Kalifikazioak justifikatzen dituzten agiriak gordetzea.

1.  Ikasturteko edozein unetan probak, lanak eta ariketak aztertu ahal izateko, irakasleek ikastetxean izango dituzte agiri guztiak, eskola-garai osoan eta, gutxienez, ikasturteko azken ebaluazioa egin ondoren erreklamazioak egiteko dagoen epea amaitu eta hiru hilabete bitartean.

2.      Epe hori amaitu ondoren, agiriak suntsituko dira edo ikasleei eman, beti ere erreklamazio baten ondoren erabakia hartzeko beharrezkoak ez badira. Ondorio horietarako, kontuan hartu beharko dira bai erreklamazioan aipatu diren ariketak, baita ikasleak edo erreklamatzaileak aldarrikatzen duen kalifikazio bera izan duten ikasleen ariketak ere.

3.      Edonola ere, erreklamazio bati buruzko erabakia hartzeko kontuan hartu beharreko ariketak edo agiriak gorde egin beharko dira, horiei buruzko erabaki administratiborik edo ekintza judizialik egin daitekeen kasuetan. Denbora hori bi urtetakoa da.

67. artikulua. Azken kalifikazioei buruzko erreklamazioa

1.      Ikasleen guraso/tutoreek 48 orduko epea izango dute erreklamazioak egiteko, kalifikazioak formalki eman diren unetik zenbatzen hasita. Erreklamazioa egiteko, ikasketaburuari zuzendutako idatzi bat aurkeztu beharko dute idazkaritzan.  Idatzi horretan, guraso/tutoreak ondoko hauek zehaztu behar ditu argi eta garbi: irakasleak ikasleari jarri dion eta bere iritziz zuzena ez den kalifikazioa; zilegi litzatekeen kalifikazioa; eta erreklamazioa egiteko dituen arrazoiak. Halaber, erantsi ahal izango ditu ariketa zehatzen edo ebaluazio partzialen kalifikazioen aurrean egin ziren eta bere garaian aldeko ebazpena izan ez zuten alegazioak edo erreklamazioak, betiere, ariketa zehatz edo ebaluazio partzial horiek azken ebaluazioko emaitzaren gain eragina izan badute.

2.      Ikasketaburuak Batzorde Pedagogikoari aurkeztuko dio erreklamazioa. Honek erreklamazioa aztertuko du. Hartara, proba proposatuak ikasgaiaren programazio onartuarekin bat datozen erabakiko du, baita ebaluazio-irizpide hitzartuak zuzen aplikatu diren ere.  Batzorde Pedagogikoak erabakiko du irakasleak jarritako kalifikazioarekin ados dagoen ala ez. Erabaki hori hartzeko, kontuan hartu beharko ditu ebaluazio partzialetan egindako erreklamazioei buruz igorri diren txostenak. Kontuan izango du ere erreklamatzailearen antzerako egoeran dauden ikasleei irakasleak zer kalifikazio jarri dien.

3.      Ikasleak eskoletan ahoz emandako iritziak besterik ez badira hartu nota jartzeko, kalifikazio negatibo hori ezin izango da bere horretan utzi, salbu eta ikasleak eskoletan ahoz emandako iritziei buruz nahikoa informazio bildu bada.

4.      Batzorde Pedagogikoak bi eguneko epean hartu beharko du erabakia, erreklamazioa idatziz egiten den egunetik zenbatzen hasita.

68. artikulua. Batzorde Pedagogikoak hartutako erabakiaren ondorioak

1.      Batzorde Pedagogikoak bere erabakiaren berri emango dio ikasketaburuari. Azken horrek interesdunari helaraziko dio didaktika-departamentuaren erabakia.

2.      Ikaslearen erreklamazioa balioesten bada, ikasketaburuak haren berri emango dio zuzendariari. Zuzendariak, horrenbestez, agiri akademikoan dagokion zuzenketa egingo du.

3.  Erreklamazioa onartu ez eta ikaslea, oraindik ere, erabakiarekin konforme ez badago, erreklamazio-idatzia jarri dezake zuzendariaren aurrean. Zuzendariak, kasu horretan, Hezkuntza-administrazioari helaraziko dio ikaslearen erreklamazioa, eta Hezkuntza-administrazioak erabaki bat hartu beharko du

69. artikulua. Ikasleei buruko dokumentazioaren antolamendua.

1.  Ikasle bakoitzari buruzko dokumentazioa Idazkaritzan egongo da, Ikasleen karpetetan. Kontsultaren bat egin behar ezkero karpeta bere lekura bueltatu behar da beti eta ordenean kokatu.

2.  Beharrizan Bereziak dituzten ikasleek Kontsultorearen bulegoan dute aparteko beste  karpeta bat irekita.

3.  Familien egoerari buruzko epaitegietatik datorren dokumentazioa bikoiztuta egongo da. Kopia bat zuzendaritzan kokatuko da eta beste bat ikaslearen karpetan.

4.  Ikasturteko dokumentazioa betetzeko, kurtso amaieran Ikasketa Buruak Batzorde Pedagogikaren bitartez zabalduko du informazioa Hezkuntza Sailak ikasturte horretarako ematen dituen argibideen araberan.

Ikasle bakoitzaren karpetan egon behar diren dokumentuak Legardan:

1.  Matrikula orria. (Ikaslearen fitxa pertsonala)

2.  Haur Hezkuntzan eskolatzearen laburpena.

3.  Ebaluapen txostenak:

1.  Haur Hezkuntza 2 urte: Bat urtero (ekaina).

2.  Haur Hezkuntza 2. zikloa: Azken ebaluazio txostenaren kopia.

3.  Haur Hezkuntza etapa  bukaerako ebaluazio txostena.

4.  Lehen  Hezkuntza: ikasturte bakoitzeko azken ebaluazio txostenaren kopia.

4.  Besteek: PTE eta ALEek egindako  ikasturte bukaerako txostenak, informe medikoak,.

5.  Web/Argazkiak... orrien baimenak.

6.  Aholkulariak eta Berritzeguneko arduradunak behaketa egiteko eskarien erregistroa zeinetan agertu behar den nork eskatzen duen eta data.

Aholkulariak eta Berritzeguneko arduradunak behaketak egiteko gurasoen baimenaren fotokopia.

[1] EEPLk ezarri ditu OOG eta 2. paragrafoan aipatu diren partaidetza-organoak.  EEPLk ez du zuzenean agintzen gurasoen elkarteak 3. paragrafoan jaso behar direnik. Nolanahi ere, 3. paragrafoan guraso-elkarteak jasotzea legezko beste agindu batzuk betetzeko modurik onena da –elkarteak osatzeko eskubidea bermatzea agintzen duen eskubideei eta betebeharrei buruzko dekretua betetzeko, adibidez– .

[2] Testuan hala zehazten ez bada ere, argi dago elkarte horien muga jarduera akademikoaren azpiegiturak eta garapen arruntak ezartzen dituztela.

[3] Administrazioko eta zerbitzuko langiletzat hartuko dira ikastetxean lanean diharduten, Hezkuntza-administrazioak izendatu edo kontratatu dituen eta klaustroko kide ez diren pertsonak.

[4] Administrazio Jardunbidearen Legeko arauak beteko dira.

[5] Ohiko bileretarako epe laburragoa ezar daiteke. Nolanahi ere, astebeteko epea aplikatu izan da betidanik. Gainera, osagarritzat har genitzakeen Ministerioko legeek astebeteko epea ezartzen dute oro har. Herri administrazioen araubide juridikoari eta administrazio-prozedura erkideari buruzko legean, 48 orduko epe minimoa ezarri da ezohiko deialdietarako. Hartara, ohiz kanpoko deialdien kasuan, ezin izango litzateke astebeteko epea murriztu.

[6] EEPLk ez du erakunde horrek egin behar duen bilera kopuru minimorik ezarri. Nolanahi ere, zenbait erabaki hartzeko beharra ezarri dio. Eta erabaki horiek hartzeko, nahitaez bildu beharko da urtean hainbatetan. OOG, nolanahi ere, sor litezkeen batzordeen esku utz dezake eginbehar hori, batez ere, behin eta berriz errepikatzen diren auziak landu behar badira –bizikidetzako arazoak, kasu–.  Bilera bat ezarri da hiruhilekoko, orientazio moduan. Halaxe egin da, batetik, klaustroek ohitura hori hartua dutelako eta, bestetik, Hezkuntza Ministerioak Lehen eta Bigarren Hezkuntzako bere ikastetxeetarako ezarri dituen Dekretu Organikoetan hala agindu delako. EEPLk, nolanahi ere, urtean nahitaezko bilera bakarra egiteko aukera ematen du. Bilera horretan, ikastaroaren planeamendua eta aurreko ikasturteko txostena onetsi behar lirateke. Zuzendariak, bere aldetik, behar beste bileretarako deia egiteko eskumena du aipatu berri ditugun bi agiriak onetsi arte. Zuzendariak bere ekimenari, agindu gorenari edo OOGko kideen ehuneko jakin baten eskariei jarraiki egin dezake mintzagai ditugun bileretarako deia. 

[7] Gehiengo soila: Erabakiak hartzeko boto gehien biltzen dituen aukera onartzen da bozketa batetan beste batzuen artean.

[8] Erabakirik garrantzitsuenak hartzeko proposamen soila da.  Puntu hau jaso ez bada, gehiengo soilez onetsiko da.

[9] EEPLn ezarritako araua da.

[10] Gutxieneko kideak litzateke horiek.  Esan gabe doa ikasleek ordezkariak izango dituztela Bigarren Hezkuntzatik aurrera.  Lehen Hezkuntzan, beraz, ikasleen gurasoek bi ordezkari izango dituzte.  Udaleko ordezkaria sartzea ez da derrigorrezkoa, ez baitzaio esleitu ordezkaritza-ehuneko zehatzik. Nolanahi ere, mintzagai dugun batzordean parte har dezake.

[11] 160/1994 Dekretuan eta Eskubideen nahiz betebeharren egungo Dekretuan Bizikidetza Batzordea eratzea aurreikusi zen, boluntario moduan. EEPLk ez du berariaz derrigortzen proportzioa mantentzera. Nolanahi ere, Lege horren ildoari so, zentzuzko dirudi.

[12] 82/1986 Dekretuan aurreikusi zen batzordea dugu. Dekretu hori taldeko aginte-organoak arautzen lehena izan zen.  EEPLn eta geroko dekretuetan Ekonomia Batzordea aipatu ere ez da egiten. Nolanahi ere, hura mantentzea aukerarik egokiena dela ematen du.  Ekonomia Batzordearen hasierako araubideak IV. eranskinean jaso dira.

[13] Gurasoen, ikasleen eta irakasleen kopuruak proportzionalak izan behar dira. Hartara, esan genezake, batzorde iraunkorrarentzat legeak zehaztu duena analogiaz aplikatuko zaiela batzorde bereziei.

[14] EEPLk ez du erakunde horrek egin behar duen bilera kopuru minimorik ezarri. Bilera bat ezarri da hiruhilekoko, orientazio moduan. Halaxe egin da, batetik, klaustroek ohitura hori hartua dutelako eta, bestetik, Hezkuntza Ministerioak Lehen eta Bigarren Hezkuntzako bere ikastetxeetarako ezarri dituen Dekretu Organikoetan hala agindu delako. EEPLk, nolanahi ere, urtean nahitaezko bilera bakarra egiteko aukera ematen du. Bilera horretan, ikastaroaren planeamendua eta aurreko ikasturteko txostena onetsi behar lirateke. Zuzendariak, bere aldetik, behar beste bileretarako deia egiteko eskumena du aipatu berri ditugun bi agiriak onetsi arte. Zuzendariak bere ekimenari, agindu gorenari edo klaustroko kideen ehuneko jakin baten eskariei jarraiki egin dezake mintzagai ditugun bileretarako deia. 

[15] Ohiko bileretarako epe laburragoa ezar daiteke. Nolanahi ere osagarritzat har genitzakeen Ministerioko legeek astebeteko epea ezartzen dute oro har. Herri administrazioen araubide juridikoari eta administrazio-prozedura erkideari buruzko legean, 48 orduko epe minimoa ezarri da ezohiko deialdietarako. Hartara, ohiz kanpoko deialdien kasuan, ezin izango litzateke astebeteko epea murriztu.

[16] Legez, zuzendaritza taldea eragile hauekin osa daiteke: koordinatzaileekin, premia arduradunekin, kalitate-arduradunekin, EGA/AKA arduradunekin, eta abar. 

[17] EEPLn ezarri da zuzendaritza taldea nola osatu behar den. Nolanahi ere, zuzendaritza taldeko zenbait eskumen irakasleren baten esku utz daitezke. Irakasle horrek, hartara, zuzendaritza taldeko bileretara joango da.

[18] Ikastetxeetan egon ohi direnak dira. Irakaskuntzako taldeak, oro har, eta tutoreak EEPLn aurreikusirik daude.  Koordinazio Pedagogikorako Batzordea beste arau batzuetan ageri dira.

[19] Ikasturteko antolamenduari buruzko ebazpena oinarri hartuko da tutoretzak arautzeko.

[20] EEPLk sortutako organoa da.